मीरारोड मध्ये आणखी एका रिक्षा चालकास गुंगी देऊन लुटल्याचा गुन्हा 

मीरारोड मध्ये रिक्षा चालकास गुंगीचे औषध देऊन दोघांनी लुटल्याचा आणखी एक गुन्हा सोमवारी नया नगर पोलीस ठाण्यात दाखल झाला आहे

मीरारोड -

मीरारोड मध्ये रिक्षा चालकास गुंगीचे औषध देऊन दोघांनी लुटल्याचा आणखी एक गुन्हा सोमवारी नया नगर पोलीस ठाण्यात दाखल झाला आहे . त्यामुळे शहरात गुंगीचे औषध देऊन लुटणारी सक्रिय असल्याचे स्पष्ट झाले आहे . 

बोरिवली पूर्वेच्या काटर रॉड भागात राहणारे राजेंद्र यादव हे ह्या रिक्षा चालकांनी बोरिवली पश्चिमेस स्वामी विवेकानंद मार्गावरून दोन प्रवाश्यांचे भाडे घेतले . मीरारोडच्या अय्यप्पा मंदिर येथे दर्श घेऊन परत यायचे असे त्या दोघांनी सांगितले . 

दुपारी मीरारोड येथे आल्यावर मंदिर बंद असल्याचे समजले . एकाने जाऊन दोन फ्रुटी आणल्या व एक रिक्षाचालकास आणि दुसरी सहकार्यास दिली . फ्रुटी थोडीशी प्यायले असता बेचव लागली म्हणून यादव यांनी टाकून दिली . मात्र काही वेळाने त्यांना गुंगी आली आणि त्या दोघं प्रवाश्यांनी यादव यांच्या गळ्यातील १० ग्रॅमची सोन्याची ५० हजार किमतीची चैन लुटून पळून गेले .  याप्रकरणी नयानगर येथे गुन्हा दाखल करण्यात आला आहे. 

या आधी बोरिवलीच्या सुनील जाधव ह्या रिक्षा चालकास सृष्टी भागात आणून मंदिराचा प्रसाद म्हणून गुंगीचे औषध देऊन गळ्यातील चैन व रोख लुटल्याचा गुन्हा १९ मार्च रोजी काशीमीरा पोलीस ठाण्यात  दाखल झाला आहे .  दोन्ही गुन्ह्यात २ आरोपी असून त्यांनी बोरिवली वरून रिक्षाचे भाडे घेऊन मीरारोड भागात आले रिक्षा चालकांच्या गळ्यातील चैन लुटल्या.