इराणी टोळीच्या सराईत गुन्हेगाराला अटक, साडे तीन लाखाचा मुद्देमाल हस्तगत

Crime News : पोलिसांनी त्यांच्याकडून चोरीच्या ४ मोटारसायकली, २ मोबाईल, २ सोन्याची मंगळसूत्र असे साडे ३ लाखाचा दस्तऐवज हस्तगत केले आहे. 

ठळक मुद्देविभागाचे प्रमुख महेश तरडे यांनी सराईत चोराला बोलते केल्यावर अंबरनाथ, मुंब्रा व अंबरनाथ येथून ४ मोटारसायकली, अंबरनाथ मधून दोन मंगळसूत्र व २ मोबाईल चोरीची कबुली दिली.

उल्हासनगर : शहर गुन्हे अन्वेषण विभागाने एका सराईत इराणी टोळीच्या गुन्हेगाराला अटक केली असून त्याच्यावर तब्बल ५३ गुन्हे दाखल आहेत. पोलिसांनी त्यांच्याकडून चोरीच्या ४ मोटारसायकली, २ मोबाईल, २ सोन्याची मंगळसूत्र असे साडे ३ लाखाचा दस्तऐवज हस्तगत केले आहे. 

उल्हासनगरातील १७ सेक्शन परिसरात सराईत इराणी टोळीचा म्होरक्या तौफिक तेहजिब हुसेन उर्फ इराणी चोरीच्या मोटार सायकल हिला नेम प्लट व रेडियम लावण्यासाठी येणार असल्याची माहिती अन्वेषण विभागाचे पोलिस नाईक विकास कर्ण यांना मिळाली. गुन्हे अन्वेषण विभागाने साफळा रचून इराणी याला ९ आॅक्टोबर रोजी अटक झाली. विभागाचे प्रमुख महेश तरडे यांनी सराईत चोराला बोलते केल्यावर अंबरनाथ, मुंब्रा व अंबरनाथ येथून ४ मोटारसायकली, अंबरनाथ मधून दोन मंगळसूत्र व २ मोबाईल चोरीची कबुली दिली. तसेच त्याच्यावर मुबई, ठाणे व मुंबई उपनगर परिसरात पोलिसांना पाहिजे असलेला गुन्हेगार असून त्याच्यावर तब्बल ५३ गुन्हे दाखल आहेत. मोटार सायकल चोरी प्रकारात त्याच्या सोबत तीन साथिदार असून त्यांचा शोध गुन्हे अन्वेषण विभाग घेत आहे. त्याला न्यायालय पुढे हजर केले असता पोलिस कस्टडी देण्यात आली. पोलिस अधिक तपासा करीत आहेत.