पप्पा माझ्या मृत्यूचा बदला जरूर घ्या! सुसाईड नोटमध्ये लिहून तरुणीची आत्महत्या

Suicide Case :पप्पा तुम्ही माझ्या मृत्यूचा बदला जरूर घ्या’, असं लिहिलं आहे. या सुसाईट नोटमुळे एकाच खळबळ उडाली आहे.

ठळक मुद्देजौनपूर जिल्ह्यातील सुरेरी पोलीस ठाण्यांतर्गत येणाऱ्या एका गावात राहणाऱ्या १५ वर्षीय मुलीला काही तरुण त्रास देत होते. त्यामुळे ही मुलगी खूप त्रासलेली होती.

उत्तर प्रदेशमधील जौनपूरमध्ये एका अल्पवयीन मुलीने छेडछाडीला वैतागून आत्महत्या केल्याची धक्कादायक घटना घडली आहे. मुलीने साडीच्या सहाय्याने राहत्या घरातील एका खोलीत गळफास घेऊन आत्महत्या केली आहे. या मुलीने आत्महत्येपूर्वी सुसाईड नोट लिहून ठेवलेली असून त्यात ‘माझ्या मृत्यूला रुस्तम जबाबदार आहे. त्याने माझ्याशी दुष्कर्म केले आहे. पप्पा तुम्ही माझ्या मृत्यूचा बदला जरूर घ्या’, असं लिहिलं आहे. या सुसाईट नोटमुळे एकाच खळबळ उडाली आहे.

आत्महत्येच्या घटनेनंतर या मुलीच्या वडिलांनी दिलेल्या तक्रारीवरून पोलिसांनी तीन जणांविरोधात भादंवि कलमांखाली गुन्हा दाखल केला आहे. त्यापैकी दोन आरोपींना पोलिसांनी अटक केली आहे. मात्र, मुख्य आरोपी असलेला रुस्तम अद्याप मोकाट आहे. त्याला पकडण्यासाठी पोलीस शोधमोहीम राबवत आहेत.  

पप्पांची आठवण म्हणून मुलांना टी शर्ट घाला! असं चिठ्ठीत लिहून दोन मुलांच्या हत्येनंतर आईने केले विष प्राशनhttps://t.co/vI8VDSkEEZ

— Lokmat (@MiLOKMAT) August 26, 2021

जौनपूर जिल्ह्यातील सुरेरी पोलीस ठाण्यांतर्गत येणाऱ्या एका गावात राहणाऱ्या १५ वर्षीय मुलीला काही तरुण त्रास देत होते. त्यामुळे ही मुलगी खूप त्रासलेली होती. मंगळवारी, ही मुलगी रात्री झोपण्यासाठी तिच्या खोलीत गेली. मात्र सकाळी खूप उशिरापर्यंत खोलीतून बाहेर न आल्याने आईने खोलीचा दरवाजा उघडला. तेव्हा तिला धक्काच बसला. मुलीने पंख्याला साडीच्या सहाय्याने गळफास घेत आत्महत्या केली होती. हे सर्व पाहून मुलीच्या आईने हंबरडा फोडत आरडाओरडा करण्यास सुरूवात केली. यावेळी कुटुंबीयांना घटनास्थळावरून एक सुसाईड नोट मिळाली. त्यामध्ये संबंधित अल्पवयीन मुलीने तिच्या मृत्यूसाठी रुस्तमला जबाबदार धरले होते. रुस्तमने आपल्यासोबत वाईट कृत्य केल्याचा आरोप मृत मुलीने या सुसाईड नोटमधून केला होता.