Video : अनैतिक संबंधामुळे पतीने प्रेयसीच्या सहाय्याने काढला पत्नीसह चिमुकल्या मुलीचा काटा  

शाहू नगर पोलिसांनी पती इलियाज आणि त्याची प्रेयसी आफरीनबानोला केली अटक 

ठळक मुद्देडायमंड अपार्टमेंट राहणाऱ्या तेहसिन (३४), अडीज वर्षीय मुलगी आलिया उर्फ फातिमा यांचा गळा चिरून पतीने निर्घृण हत्या केली. तसेच पुरावे नष्ट करण्यासाठी प्रेयसीच्या मदतीने मृतदेह जाळले. पोलिसी खाक्या दाखवल्यानंतर इलियाजने खुनाची कबुली दिली. त्यानंतर त्याच्या प्रेयसीला देखील अटक करण्यात आली.

मुंबई - धारावी परिसरातील शाहू नगर येथे काल अतिशय धक्कादायक घटना घडली होती. डायमंड अपार्टमेंट राहणाऱ्या तेहसिन (३४), अडीज वर्षीय मुलगी आलिया उर्फ फातिमा यांचा गळा चिरून पतीने निर्घृण हत्या केली. तसेच पुरावे नष्ट करण्यासाठी प्रेयसीच्या मदतीने मृतदेह जाळले. याप्रकरणी शाहू नगर पोलिसांनी पती इलियाज (३८) आणि त्याची प्रेयसी आफरीनबानोला ( अटक केली आहे. 

इलियाज सय्यद आणि आफरीनबानो फय्याज हुसेन सय्यद यांचे विवाहबाह्य संबंध होते. या संबंधाबाबत  इलियाज सय्यद याचा पत्नीला तेहसिनला सुगावा लागला होता. त्यानंतर त्यांच्या वारंवार भांडणाचे खटके उडत. आपल्या  अनैतिक संबंधांच्या आड येणाऱ्या पत्नी आणि चिमुकल्या मुलीची प्रेयसीच्या मदतीने केली हत्या करून मृतदेह जाळून पुरावे नष्ट करण्याचा प्रयत्न इलियाज आणि आफरीनबानोने केला. काल हे दुष्कृत्य करून इलियाज हा दरवाजा आतून बंद (लॅच ) करून निघून केला होता. त्यानंतर त्याच्या मेहुणीने घरातून धूर येताना पाहून इलियाजला बोलावून घेतले. त्यानंतर पोलिसांनी संशयित म्हणून इलियाजला आपल्या ताब्यात घेतले होते. मात्र, आपल्याला काहीच माहित नसल्याचा आव इलियाजने आणला होता. पोलिसी खाक्या दाखवल्यानंतर इलियाजने खुनाची कबुली दिली. त्यानंतर त्याच्या प्रेयसीला देखील अटक करण्यात आली. पोलिसांनी या तपासासाठी पाच ते सहा पथकं तयार केली असल्याची माहिती सहाय्यक पोलीस आयुक्त आजिनाथ सातपुते यांनी लोकमतशी बोलताना दिली. 

Video : हृदयद्रावक! आईसह ४ वर्षाच्या मुलीची केली गळा चिरून हत्या

आफरीनबानोशी इलियाजची कशी झाली ओळख 

इलियाज हा वडाळा येथील एका जरीच्या कारखान्यात काम करतो. या कारखान्याजवळच आफरीनबानो राहत होती. त्यावेळी त्याची ओळख तिच्याशी झाली. तसेच आफरीनबानो ही इलियाजच्या गावातील दूरची नातेवाईक आहे. त्यानंतर ओळखीचे रूपांतर विवाहबाह्य संबंधात झाले.