रक्षक बनला भक्षक! प्रियकराला सोडण्यासाठी पोलिसाचा प्रेयसीवर बलात्कार

रांजणोली नाक्यावर बोलावले आणि त्यासमोर असलेल्या कल्याण गेस्ट हाऊस या लॉजवर नेऊन बलात्कार केला असाही आरोप या तरूणीने केला आहे. रोहन गोंजारींवर कठोर कारवाई करण्यात यावी असेही या पीडित तरूणीने नमूद केले आहे. 

ठळक मुद्देसतीश नक्कलवार हा विवाहित असून त्याला दोन मुलेही आहेत. हे माहिती असूनही या दोघांमध्ये प्रेमसंबंध जुळले होते. पेयातून गुंगीचं औषध देऊन बेशुद्ध केलं. त्यानंतर सलीम नावाच्या तरूणाकडून बलात्कार करतानाचे चित्रीकरण मोबाइलमध्ये केले तुझ्या प्रियकराला सोडवायचं असेल तर माझ्यासोबत शरीरसंबंध ठेव असं सांगून ब्लॅकमेल केल्याचा आरोप या तरूणीने केला आहे

भिवंडी - प्रियकरावर दाखल केलेला बलात्काराचा गुन्हा मागे घेण्यासाठी पोलीस उपनिरीक्षकाने बलात्कार केल्याचा आरोप पीडित तरूणीने केला आहे. या प्रकरणी पीडित तरूणीने भिवंडीतील कोन गाव पोलीस ठाण्यात गुन्हा दाखल केला आहे. आरोपी पोलीस उप निरीक्षक रोहन गोंजारी यांच्यावर गुन्हा दाखल करण्यात आला असून ते भिवंडी येथील शांती नगर पोलीस ठाण्यात कार्यरत आहेत. 

पीडित तरूणी मुंबईत राहणारी आहे. तरुणीची काकू भिवंडीत राहते. पीडित तरूणी काकूच्या घरी सुट्टीत जात असे. त्यावेळी सतीश नक्कलवार नावाच्या तरूणाशी तिचे प्रेम जुळलं. २०१५ पासून या दोघांचे प्रेमसंबंध होते. सतीश नक्कलवार हा विवाहित असून त्याला दोन मुलेही आहेत. हे माहिती असूनही या दोघांमध्ये प्रेमसंबंध जुळले होते. या दोघांचे प्रेमप्रकरण आहे याची कुणकुण सतीशची पहिल्या प्रेयसीला लागली. तिने पीडित तरूणीला फोन करून सतीशचे आणि तिचे प्रेमसंबंध असल्याचे सांगितले. तसेच सतीशचा नाद सोड अशी धमकी दिली. तरीही ही तरूणी सतीशला भेटत राहिली. तसेच या दोघांमध्ये शरीरसंबंधही झाले. ही गोष्ट पहिल्या प्रेयसीला कळाली. नंतर पहिल्या प्रेयसीनं सतीशला मुंबईत राहणाऱ्या मुलीसोबत प्रेमसंबंध तोडण्यास सांगितले. नाहीतर घरच्यांना सगळे प्रकरण सांगेन अशीही धमकी तिने दिली. त्यानंतर पहिली प्रेयसी आणि सतीशचं भांडण झालं आणि तू माझ्या घरी येऊ नकोस तसंच माझ्याशी कोणतंही नातं ठेवू नको असंही सतीशला तिने बजावले. मात्र, सतीशला असे सांगितल्यानंतर मी तुझ्या घरी येऊन सगळं प्रकरण सांगेन अशी धमकी त्याने तिला दिली. .

दरम्यान मुंबईत राहणाऱ्या प्रेयसीला सतीशने घरी बोलावलं. पेयातून गुंगीचं औषध देऊन बेशुद्ध केलं. त्यानंतर सलीम नावाच्या तरूणाकडून बलात्कार करतानाचे चित्रीकरण मोबाइलमध्ये केले. दुसऱ्या दिवशी प्रेयसीला  हा व्हिडीओ दाखवला आणि ब्लॅकमेल करत ५० हजार रुपयांची मागणी केली. घाबरून पीडित तरूणीने तिला ४३ हजार रुपये दिली. तरीही धमक्या येणे सुरुच होते. त्यामुळे पीडित तरूणीने कुलाबा पोलीस ठाण्यात धाव घेतली. पोलिसांनी पहिली प्रेयसी, सतीश आणि सलीम या तिघांविरोधात गुन्हा दाखल केला. मात्र बलात्काराच्या घटनेला या तरूणीनेच जबाब बदलून या घटनेला वेगळे वळण लावले आहे. सतीश हा माझा प्रियकर असून मी त्याच्याशी सहमतीने शरीरसंबंध ठेवले असल्याचे या तरूणीने सांगितले. सतीशवरचा बलात्काराचा गुन्हा मागे घ्या असा तगादा तिने भिवंडी पोलिसांकडे लावला होता. गुन्हा दाखल झाल्यानंतर शांतीनगर पोलिसांनी या तिघांना अटक करून त्यांना गजाआड केले. पीडित तरूणीने कोर्टासमोरही सतीशने बलात्कार केला नाही तर त्याच्याशी सहमतीने शरीर संबंध ठेवल्याचे सांगितले. याच गुन्ह्याचे  तपास अधिकारी रोहन गोंजारी यांनी खोटा गुन्हा दाखल केला म्हणून कारवाई करणार असल्याचे पीडित तरूणीला धमकावले. तसेच तुझ्या प्रियकराला सोडवायचं असेल तर माझ्यासोबत शरीरसंबंध ठेव असं सांगून ब्लॅकमेल केल्याचा आरोप या तरूणीने केला आहे. तसेच पोलीस उप निरीक्षक रोहन गोंजारी यांनी आपल्याला रांजणोली नाक्यावर बोलावले आणि त्यासमोर असलेल्या कल्याण गेस्ट हाऊस या लॉजवर नेऊन बलात्कार केला असाही आरोप या तरूणीने केला आहे. रोहन गोंजारींवर कठोर कारवाई करण्यात यावी असेही या पीडित तरूणीने नमूद केले आहे.