शिक्षिका झाली हैवान! 5 वीच्या विद्यार्थिनीला बेदम मारलं अन् पहिल्या मजल्यावरून खाली ढकललं

शाळेतील दोन शिक्षिकांच्या भांडणात एका पाचवीतल्या मुलीला आधी पेपर कटरने मारहाण करण्यात आली. त्यानंतर पहिल्या मजल्यावरून खाली फेकून दिल्याची भयंकर घटना समोर आली आहे.

दिल्लीमध्ये एक धक्कादायक घटना घडली आहे. एक शिक्षिका हैवान झाली आहे. शाळेतील दोन शिक्षिकांच्या भांडणात एका पाचवीतल्या मुलीला आधी पेपर कटरने मारहाण करण्यात आली. त्यानंतर पहिल्या मजल्यावरून फेकून दिल्याची भयंकर घटना समोर आली आहे. यामध्ये मुलीच्या डोक्याला गंभीर दुखापत झाली आहे. या घटनेनंतर मुलीला उपचारासाठी तातडीने रुग्णालयात दाखल करण्यात आले. तिच्यावर सध्या हिंदूराव रुग्णालयात उपचार सुरू आहेत. 

डीबीजी रोड पोलीस ठाण्याच्या पोलिसांना शिक्षिकेने एका विद्यार्थिनीला पहिल्या मजल्यावरून ढकल्याची माहिती मिळाली होती. माहिती मिळताच पोलीस तातडीने घटनास्थळी दाखल झाले. मिळालेल्या माहितीनुसार, फिल्मिस्तानच्या मॉडल परिसरातील एका प्राथमिक शाळेत ही घटना घडली. यामध्ये पाचवीच्या विद्यार्थिनीला गीता देशवाल नावाच्या शिक्षिकेने पहिल्या मजल्यावरून ढकललं. तसेच त्याआधी तिला मारहाण देखील केली होती.

विद्यार्थिनीच्या डोक्याला गंभीर दुखापत झाली असून तिला हिंदूराव रुग्णालयात दाखल करण्यात आले आहे. डॉक्टरांनी सध्या तिची प्रकृती धोक्याबाहेर असल्याची माहिती दिली. तसेच शिक्षिकेला ताब्यात घेण्यात आलं आहे. मुलीने तिच्यासोबत घडलेली घटना सांगितली. तसेच शिक्षिकेने तिचे केस कापण्याचा देखील प्रयत्न केल्याचं म्हटलं आहे. काहीही चूक केलेली नसताना असं केल्याचं सांगितलं. या घटनेने परिसरात एकच खळबळ उडाली आहे. एका हिंदी वेबसाईटने याबाबतचे वृत्त दिले आहे. 

क्रूरतेचा कळस! प्रश्नाचं उत्तर न आल्याने शिक्षकाने विद्यार्थ्याला जमिनीवर पाडलं, डोकंच फोडलं अन्...

उत्तर प्रदेशातील फतेहपूर जिल्ह्यामध्ये शिक्षकाने एका क्षुल्लक कारणावरून सातवीच्या विद्यार्थ्याला बेदम मारहाण केल्याची धक्कादायक घटना समोर आली आहे. या मारहाणीत विद्यार्थ्याचं डोकं फुटलं असून डोक्याला अनेक टाके पडले आहेत. या घटनेनंतर तातडीने उपचारासाठी विद्यार्थ्याला जवळच्या रुग्णालयात दाखल करण्यात आले. प्राथमिक उपचारानंतर विद्यार्थ्याला घरी पाठवण्यात आले आहे. पालकांनी संताप व्यक्त केला असून संबंधित शिक्षकाविरोधात तातडीने कारवाई करण्यात यावी अशी मागणी नातेवाईकांनी केली आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"