डॉक्टर पत्नीला २ प्रियकरांसोबत हॉटेलमध्ये आक्षेपार्ह अवस्थेत पकडलं; पतीनं बेदम मारलं
By ऑनलाइन लोकमत | Published: May 11, 2024 08:00 AM2024-05-11T08:00:36+5:302024-05-11T08:01:11+5:30
ही महिला मागील १ वर्षापासून सासर सोडून माहेरी राहत होती. महिलेने पती आणि तिच्या सासरच्यांना खोट्या गुन्ह्यात अडकवण्याची धमकी दिली होती.
![Doctor Wife Caught Offensively In Hotel With 2 Lovers at Kasganj, UP | डॉक्टर पत्नीला २ प्रियकरांसोबत हॉटेलमध्ये आक्षेपार्ह अवस्थेत पकडलं; पतीनं बेदम मारलं Doctor Wife Caught Offensively In Hotel With 2 Lovers at Kasganj, UP | डॉक्टर पत्नीला २ प्रियकरांसोबत हॉटेलमध्ये आक्षेपार्ह अवस्थेत पकडलं; पतीनं बेदम मारलं](https://d3pc1xvrcw35tl.cloudfront.net/images/420x315/sdoeece291010zah712_2024051228716.jpg)
डॉक्टर पत्नीला २ प्रियकरांसोबत हॉटेलमध्ये आक्षेपार्ह अवस्थेत पकडलं; पतीनं बेदम मारलं
कासगंज - उत्तर प्रदेशच्या कासगंज येथे हैराण करणारा प्रकार समोर आला आहे. याठिकाणी एका डॉक्टर पत्नीला तिच्या २ प्रियकरांसोबत हॉटेलच्या रुममध्ये आक्षेपार्ह अवस्थेत पकडले. या घटनेनंतर डॉक्टर पती आणि त्याच्या नातेवाईकांनी पत्नी आणि तिच्या दोन्ही प्रियकराला बेदम मारलं. या हायव्हॉल्टेज ड्रामा व्हिडिओत कैद करण्यात आला त्यानंतर आता हा व्हिडिओ सोशल मीडियात व्हायरल होत आहे.
या घटनेची माहिती मिळताच पोलीस घटनास्थळी पोहचले. त्याठिकाणी पत्नी आणि तिच्या २ प्रियकरांना ताब्यात घेतले. पोलिसांच्या माहितीनुसार, गेल्या २ वर्षापासून पती-पत्नी यांच्यात वाद होता. दोघेही वेगवेगळे राहायचे. डॉक्टर पत्नी कासगंज जिल्ह्यातील सरकारी रुग्णालयात काम करत होते. मागील काही दिवसांपासून पती पत्नीच्या हालचालीवर लक्ष ठेवून होता. बुधवारी महिलेला २ युवकांसोबत हॉटेलमध्ये रंगेहाथ पतीने पकडले.
तत्पूर्वी पतीने त्याच्या कुटुंबातील सदस्यांना हॉटेलवर बोलावून घेतले. त्यानंतर त्यांनी रुमचा दरवाजा उघडला तेव्हा महिलेसह तिचे २ प्रियकर आक्षेपार्ह अवस्थेत आढळले. या तिघांनाही कुटुंबाने बेदम मारले. या जोडप्याचे लग्न २०१३ साली झालं होते. लग्नानंतर पत्नीचे अनैतिक संबंध असल्याचं पतीला कळाले. त्यानंतर दोघांमध्ये वाद सुरू होता. ही महिला मागील १ वर्षापासून सासर सोडून माहेरी राहत होती. महिलेने पती आणि तिच्या सासरच्यांना खोट्या गुन्ह्यात अडकवण्याची धमकी दिली होती. सध्या पोलीस या प्रकरणाचा तपास करत असून पुढील कार्यवाही तपासानंतर केली जाईल असं पोलिसांनी सांगितले.