Drugs : बॉलिवूड कलाकारांना चरसचा पुरवठा करणाऱ्याला अटक
By ऑनलाइन लोकमत | Published: September 3, 2021 10:17 PM2021-09-03T22:17:46+5:302021-09-03T22:22:09+5:30
Drug Case :एक किलो चरस जप्त, गुन्हे शाखेची कारवाई
Drugs : बॉलिवूड कलाकारांना चरसचा पुरवठा करणाऱ्याला अटक
Next मुंबई : बॉलीवूडमधील कलाकारांना चरसचा पुरवठा करणाऱ्या एका यूट्यूब चँनेलच्या संचालकाला अंमली पदार्थ विरोधी विभागाच्या वांद्रे पथकाने शुक्रवारी बेडया ठोकल्या आहेत. गौतम दिलीप दत्ता (४६) असे अटक करण्यात आलेल्या आरोपीचे नाव असून, त्याच्याकड़ून ५० लाख किंमतीचे एक किलो चरस जप्त करण्यात आले आहे.
जुहू वर्सोवा लिंक रोड परिसरात दत्ताच्या संशयास्पद हालचाली एएनसीच्या वांद्रे पथकाने हेरल्या. त्यानुसार पथकाने त्याला ताब्यात घेत त्याच्याकडील लाल पिशवीची तपासणी करताच, त्यात एक किलो चरस मिळून आला.
Maharashtra: Mumbai Anti-Narcotics Cell has arrested a drug peddler, who runs a YouTube channel, & seized 1 kg 'Manali Charas' from his possession in Andheri.
— ANI (@ANI) September 3, 2021
It is suspected that he supplied drugs to people associated with the Bollywood industry, the Cell says pic.twitter.com/hbM9XWc7w2
दत्ता हा बीग गी यूट्यूब चँनेलचा संचालक आहे. यातूनच झालेल्या ओळखीतून तो बॉलीवूड मधील कलाकारांना चरसचा पुरवठा करत असल्याची माहिती समोर आली आहे. त्यानुसार त्याच्याविरुद्ध चरस विक्री प्रकरणी गुन्हा नोंदवत एएनसी अधिक तपास करत आहे.