७५ वर्षीय वृद्धेवर बलात्कार करणाऱ्या अभियंत्याला अटक 

ही कारवाई सहार पोलिसांनी केली आहे. 

ठळक मुद्देतामिळनाडूतील धरमपुरीमध्ये एका कंपनीत तो कामाला आहे. तामिळनाडूतील धरमपुरीमध्ये एका कंपनीत तो कामाला आहे. निजामुद्दीन रहिमान या ३५ वर्षीय अभियंत्याला बंगळुरू विमानतळावर अटक करण्यात आली.

मुंबई - नोकरी शोधण्याच्या निमित्ताने मुंबईतील ७५ वर्षीय वृद्ध महिलेकडे राहणाऱ्या नातेवाईकाने तिच्यावर बलात्कार केल्याची खळबळजनक घटना उघडकीस आली आहे. एप्रिल 2016 मध्ये ही घटना घडली होती. ठार मारण्याची धमकी दिल्याने त्या वृद्धेने याबाबतची तक्रार दाखल केली नव्हती. मात्र, ऑगस्ट 2018 मध्ये त्या महिलेने तक्रार दाखल केल्यानंतर निजामुद्दीन रहिमान या ३५ वर्षीय अभियंत्याला बंगळुरू विमानतळावर अटक करण्यात आली. तामिळनाडूतील धरमपुरीमध्ये एका कंपनीत तो कामाला आहे. ही कारवाई सहार पोलिसांनी केली आहे. 

परदेशात नोकरी शोधण्यासाठी मुंबईत काही मुलाखती आहेत, असे सांगत लांबचा नातेवाईक असलेला निजामुद्दीन सुमारे दोन महिने आपल्याकडे राहायला होता. एप्रिल 2016 मध्ये त्याने आपल्यावर बलात्कार केला अशी तक्रार महिलेने ऑगस्ट 2018 मध्ये सहार पोलीस ठाण्यात दाखल केली. त्याने ठार मारण्याची धमकी दिल्याने आपण आजवर तक्रार दाखल केली नसल्याचे तिने सांगितले.