पाणी पाजून पाजून मारा, नग्न करा... महिलेसोबतच्या क्रूरतेचा हृदय पिळवटून टाकणारा व्हिडिओ व्हायरल

Terrifying videos of kasturba nagar gangrape victim : कड़कड़डूमा गावातून अपहरण करणे, कस्तुरबा नगरातील खोलीत बेदम मारहाण करणे, केस कापणे आणि टक्कल करणे, शूज व चप्पलचा हार घालणे, अल्पवयीन मुलांना अनैसर्गिक लैंगिक संबंधासाठी प्रवृत्त करणे आणि परिसरात धिंड काढणे असे अनेक व्हिडिओ आरोपींनी स्वत: व्हायरल केले. 

नवी दिल्ली - 26 जानेवारीला कस्तुरबा नगरमध्ये एका 20 वर्षीय महिलेवर अत्याचार झाल्याचा व्हिडिओ मोठ्या प्रमाणात व्हायरल होत आहे. व्हिडिओमध्ये आरोपी महिला आणि अल्पवयीन मुलांची क्रूरता पाहून कोणालाही धक्का बसेल.  कड़कड़डूमा गावातून अपहरण करणे, कस्तुरबा नगरातील खोलीत बेदम मारहाण करणे, केस कापणे आणि टक्कल करणे, शूज व चप्पलचा हार घालणे, अल्पवयीन मुलांना अनैसर्गिक लैंगिक संबंधासाठी प्रवृत्त करणे आणि परिसरात धिंड काढणे असे अनेक व्हिडिओ आरोपींनी स्वत: व्हायरल केले. 
 

1.  कड़कड़डूमा गावातून जबरदस्तीने केले अपहरण 
या व्हिडिओमध्ये तीन-चार महिला आणि एक मुलगी पीडितेला ओढताना दिसत आहे. विरोध केल्यावर आरोपी पीडितेला मारहाण करत केस ओढताना दिसत आहेत. अश्लील शिव्या दिल्या जात आहेत. पीडितेला ऑटोमध्ये बसवले जाते. नंतर मुलगी अल्पवयीन मुलांना ऑटो सुरु करण्यास सांगत आहे आणि स्वतः रिक्षात येण्याचे व्हिडिओमध्ये सांगत आहे. एक अल्पवयीन मुलगी लगेच ड्रायव्हिंग सीटकडे जाते . हा व्हिडिओ एका वाटसरूने बनवला आहे.

2. काठीने व पाईपने बेदम मारहाण करणे
या व्हिडीओमध्ये कस्तुरबा नगरात आणल्यानंतर एक अल्पवयीन तरुण पाईपने तर महिला काठीने मारहाण करत आहे. पीडित मुलगी मोठ्याने ओरडताना दिसत आहे. मुख्य आरोपी पाणी पाजून पाजून मारून टाका, असे म्हणताना दिसत आहे. इतर महिला अनैसर्गिक संभोगासाठी प्रवृत्त करतात. एक मुलगी नग्न व्हायला सांगत आहे. एक महिला तिचे केस कात्रीने कापू लागते.

3. पतीला जीवे मारण्याची धमकी
व्हिडिओमध्ये एक मुलगी पीडितेला वस्तराने टक्कल करताना दिसत आहे. पीडित महिला हात जोडून माफीची याचना करत आहे. मुख्य आरोपी महिला आम्ही माफ करू, आमचा 16 वर्षाच्या मुलाला परत आणा, असं म्हणताना व्हिडिओत दिसत आहे. पीडित महिला आपल्या पतीला फोन करण्यास सांगते. त्यावेळी तुझ्या पतीलाही मारून टाकू, अशी मुख्य आरोपी धमकी देत आहे. तो ज्या हॉटेलमध्ये काम करतो, तिथून तो आता उचलून आणू.
 

4. मंगळसूत्र घाला, चेहरा काळे करा
एका व्हिडिओमध्ये एक टक्कल करत पीडितेला एक मुलगी 16 वर्षांच्या मुलाची सून होण्यास सांगत आहे. मंगळसूत्र आणून तिला घालायला सांगितले. मुख्य आरोपी महिलेला लघवी प्यायला सांगत आहे. दरम्यान, एक मुलगी काळी शाई आणून तोंडात फासून धिंड काढण्यास सांगत आहे.