कार्यालयात चोरी करणारे पाच चोरटे गजाआड

Crime News : दुचाकीसह १.३६ लाखांचा मुद्देमाल जप्त करण्यात आला आहे.

बुलडाणा / बिबी : येथील एका काॅम्पलेक्समध्ये असलेल्या कार्यालयातील एवज लंपास करणाऱ्या पाच चाेरट्यांना बिबी पाेलिसांनी ९ जुलै राेजी अटक केली़. पाेलिसांनी त्यांच्याकडून चाेरीसाठी वापरलेल्या दुचाकींसह १़ ३६ हजारांचा एवज जप्त केला़ या चाेरट्यांचा न्यायालयाने चार दिवसांची पाेलीस काेठडी सुनावली आहे़.

बिबी येथील काॅम्पलेक्समध्ये असलेल्या एका कार्यालयात अज्ञात चाेरट्यांनी ४ जून राेजी प्रवेश करून माेबाईल व राेख असा ४१ हजार ५०० रुपयांचा एवज लंपास केला हाेता़ पाेलिसांनी या प्रकरणी पवन बद्रीनाथ गुलमोहर यांच्या फिर्यादीवरून अज्ञात चाेरट्यांविरुद्ध विविध कलमान्वये गुन्हा दाखल केला हाेता़ तपास ठाणेदार एल.डी.ताबरे यांचे मार्गदर्शनाखाली सुरु केला. तपासादरम्यान चोरीला गेलेल्या मोबाईलचे लाेकेशन नागपुर येथे आढळले़ पाेलिसांनी त्या आधारे एका आरोपीस ताब्यात घेतले. त्यानंतर तपासामध्ये चोरटे चिखली येथील असल्याचे समाेर आले़ पाेलिसांनी चाेरीत सहभागी असलेल्या आरोपी सौरभ कुसुंबे, स्वप्नील गजानन ताकफळे, विशाल दांडगे, राहुल गजानन व एक विधीसंघर्षग्रस्त बालक सर्व रा.चिखली यांना अटक केली़ त्यांच्याकडून दुचाकी क्र.एम.एच.२८ बी.एम.३४६९ व एक विना नंबरची दुचाकी जप्त केली़ चाेरट्यांनी अंढेरा फाट्यावर मद्य प्राशन केल्यानंतर हा गुन्हा केल्याची कबुली दिली़ पाेलिसांनी चाेरट्यांकडून एक लाख ६० हजार रुपयांचा एवज जप्त केला आहे़ या चाेरट्यांविरुद्ध चिखली पाेलिसात विविध गुन्हे दाखल आहेत़ आराेपींना न्यायलयात हजार केले असता न्यायालयाने त्यांना चार दिवसांची पाेलीस काेठडी सुनावली आहे़ पुढील तपास बिबी पाेलीस करीत आहेत़.