माणुसकीला काळीमा! Corona Vaccine देण्याचं आमिष दाखवून तरुणीवर सामूहिक बलात्कार
By ऑनलाइन लोकमत | Published: May 1, 2021 04:28 PM2021-05-01T16:28:54+5:302021-05-01T16:32:36+5:30
Crime News : कोरोना लस (Coronavirus Vaccine) देण्याच्या बहाण्याने एका तरुणीवर सामूहिक बलात्कार (Gang rape) केल्याची धक्कादायक घटना समोर आली आहे.
माणुसकीला काळीमा! Corona Vaccine देण्याचं आमिष दाखवून तरुणीवर सामूहिक बलात्कार
नवी दिल्ली - देशात कोरोनाने थैमान घातले आहे. कोरोनाचा संसर्ग रोखण्यासाठी शर्थीचे सर्व प्रयत्न केले जात आहेत. देशात लसीकरण मोहीम वेगाने सुरू आहे. याच दरम्यान अनेक धक्कादायक घटना समोर येत आहेत. बिहारमध्ये माणुसकीला काळीमा फासणारी घटना घडली आहे. कोरोना लस (Coronavirus Vaccine) देण्याच्या बहाण्याने एका तरुणीवर सामूहिक बलात्कार (Gang rape) केल्याची धक्कादायक घटना समोर आली आहे. आरोपींनी एका तरुणीला लस देण्याचं आमिष दाखवत एका निर्जनस्थळी नेऊन तिच्यावर बलात्कार केल्याची घटना घडली आहे.
तरुणीने बलात्काराला विरोध केला असता आरोपींनी तिचे हात-पाय बांधून तिच्या तोंडात रुमालही कोंबला आहे. पोलिसांना या घटनेची माहिती मिळताच त्यांनी याचा अधिक तपास केला असून याप्रकरणी दोघांना अटक करण्यात आली आहे. मिळालेल्या माहितीनुसार, बिहारमधील जमुनापूर परिसरात ही भयंकर घटना घडली आहे. एका तरुणीला आरोपीला कोविड लस देण्याचं आमिष दाखवून जमुनापूर भागातील एका निर्जन घरात नेण्यात आलं. याठिकाणी दोघांनी पीडित तरुणीसोबत अश्लील चाळे करण्यास सुरुवात केली.
CoronaVirus News : ना मास्क, ना सोशल डिस्टंसिंग! कोरोनाची भीतीच नाही, सर्व नियम धाब्यावर बसवून भाजपा आमदाराच्या मुलाचा शाही विवाहसोहळा#coronavirus#CoronavirusIndia#CoronaUpdatesInIndia#COVID19India#coronainindia#BJP#Marriagehttps://t.co/VuCW7gHtKw
— Lokmat (@MiLOKMAT) April 29, 2021
पीडित तरुणीने याला विरोध केला. तेव्हा आरोपींनी हात-पाय घट्ट बांधले. तिच्या तोंडात रुमालही कोंबला. यानंतर दोन्ही आरोपींनी तिच्यावर बलात्कार केला. बलात्कार केल्यानंतर आरोपी घटनास्थळावरून फरार झाले. पीडितेने तरुणी आपली सुटका केली आणि घरी पोहचली आणि तिने तिच्यासोबत घडलेल्या भयंकर घटनेची माहिती कुटुंबियांना दिली. नातेवाईकांनी जमुनापूर पोलीस ठाण्यात धाव घेऊन बलात्काराची तक्रार दाखल केली आहे. या प्रकरणी दोन जणांना अटक करण्यात आली आहे. एका हिंदी वेबसाईटने याबाबतचे वृत्त दिले आहे.
CoronaVirus Live Updates : ...अन् 6 वर्षांच्या चिमुकल्याने आई-वडील गमावले, मन सुन्न करणारी घटना#coronavirus#CoronavirusIndia#CoronaUpdatesInIndia#COVID19India#coronainindiahttps://t.co/c95OiAdIIX
— Lokmat (@MiLOKMAT) April 28, 2021
खळबळजनक! रुग्णालयात ऑक्सिजन सपोर्टवर असणाऱ्या कोरोना पॉझिटिव्ह महिलेवर बलात्काराचा प्रयत्न
कोरोनाग्रस्त महिलेची ऑक्सिजन लेव्हल कमी असल्याने तिला काही वेळ ऑक्सिजन सपोर्टवर ठेवण्यात आलं होतं. याच दरम्यान रुग्णालयातील वॉर्ड बॉयने महिलेवर बलात्कार करण्याचा प्रयत्न केला आहे. पोलिसांनी दिलेल्या माहितीनुसार, पीडित महिलेच्या मुलाने केलेल्या तक्रारीत शनिवारी रात्री एक वॉर्ड बॉय त्याच्या आईच्या वॉर्डमध्ये आला. महिला कोरोना संक्रमित असल्याने त्या ठिकाणी दुसरं कोणीही उपस्थित नव्हतं. याचाच गैरफायदा घेत त्या वॉर्ड बॉयने आईसोबत चुकीचे वर्तन सुरू केले. यानंतर आईने आरडोओरडा करायला सुरुवात केली. महिलेने आरडोओरडा केला असता वॉर्ड बॉय तेथून फरार झाला. त्यानंतर कोरोनाग्रस्त महिलेने आपल्या मुलाला कॉल करून हा सर्व धक्कादायक प्रकार सांगितला. तसेच याबाबत कळताच मुलाने आपल्या नातेवाईकांसह रुग्णालय गाठलं. पोलिसांनी याप्रकरणी आरोपी वॉर्ड बॉयला अटक केली आहे.
CoronaVirus Live Updates : कोरोनाचे थैमान! एका दिवसात 50 मृतदेहांवर अंत्यसंस्कार#coronavirus#CoronavirusIndia#CoronaUpdatesInIndia#COVID19India#coronainindiahttps://t.co/8wTYYxZeK3
— Lokmat (@MiLOKMAT) April 28, 2021
