मर्सिडिज कारमध्ये अल्पवयीन मुलीवर गँगरेप; आरोपीमध्ये आमदाराच्या मुलाचाही समावेश

हैदराबाद - शहरात एका अल्पवयीन मुलीवर मर्सिडिज कारमध्ये गँगरेप झाल्याच्या घटनेनं खळबळ उडाली आहे. या आरोपींमध्ये हायप्रोफाइल नावांचा समावेश आहे. सध्या यातील कुणालाही पोलिसांनी अटक केली नाही. या प्रकरणाचा पोलीस तपास सुरू आहे. हैदराबादच्या जुबली हिल्स याठिकाणच्या पॉश परिसरात ही घटना घडली आहे. ३-४ जणांनी मिळून पीडित तरूणीवर सामुहिक बलात्कार केला आहे. 

मिळालेल्या माहितीनुसार, आरोपींपैकी १ अल्पवयीन आहे तर दुसऱ्या २ आरोपींमध्ये एक आमदाराचा मुलगा आहे. पीडित मुलीच्या वडिलांनी याबाबत पोलीस ठाण्यात गुन्हा नोंदवला आहे. त्यानंतर पोलीस या घटनेचा तपास करत आहे. या प्रकरणात हायप्रोफाइल नाव असल्याने अद्याप कुणालाही अटक करण्यात आली नाही. बुधवारी जुबली हिल्स पोलीस स्टेशनमध्ये गुन्हा नोंद करण्यात आला. या घटनेची पुष्टी करत पोलिसांनी तपासाला सुरुवात केली. 

शनिवारी ही घटना घडली असून पोलिसांनी तपासानंतर आयपीसी कलम ३५४, ३२३, ९, १० आणि पॉस्को कायद्यातंर्गत ३ जणांवर गुन्हा नोंदवला आहे. १७ वर्षीय पीडित तरूणीची मेडिकल तपासणी केल्यानंतर पोलिसांनी कलम ३७६ ही गुन्ह्यात दाखल केले. पीडित तरूणीला एका मित्राने पार्टीत बोलावले होते. सूत्रांनुसार, पार्टीत पीडित तरूणीसोबत आमदाराचा मुलगाही होता. पीडिता केवळ एका आरोपीची ओळख पटवू शकली. हा आरोपी अल्पवयीन आहे. 

पीडित युवतीच्या वडिलांनी दाखल केलेल्या एफआयआरमध्ये म्हटलंय की, २८ मे रोजी त्यांची मुलगी एका पार्टीत गेली होती. तिचा मित्र सूरज आणि हादीने पार्टीचे आयोजन केले होते ज्यात तिला बोलवण्यात आले होते. संध्याकाळी साडेपाचच्या सुमारास लाल रंगाच्या मर्सिडिज कारमध्ये काही लोकांसोबत पब म्हणून बाहेर पडली. त्यावेळी एक इनोव्हा कारही बाहेर पडली. कारमध्ये असणाऱ्यांनी माझ्या मुलीवर अत्याचार केले. तेव्हा माझ्या मुलीला धक्का बसला आहे. या घटनेची खुलासा करण्यात ती असमर्थ आहे. त्यामुळे पोलिसांनी या घटनेची सखोल चौकशी करून पीडित तरूणीला न्याय द्यावा अशी मागणी तिच्या वडिलांनी केली आहे.