धक्कादायक! चालत्या ट्रेनमध्ये युवतीवर गँगरेप; पाकमध्ये टीसीसह दोघांना अटक

ती जनरल कोचमधून प्रवास करत होती. तेव्ही तिकीट तपासणाऱ्या रेल्वे अधिकाऱ्याने तिला एसी कोचमध्ये सीट ऑफर केली.

कराची - पाकिस्तानमध्ये चालत्या ट्रेनमध्ये युवतीवर सामुहिक बलात्कार केल्याची खळबळजनक घटना घडली आहे. एसी कोचमध्ये घेऊन जात तिकीट तपासनीसनं तिच्यावर बलात्कार केला. त्यानंतर अन्य २ स्टाफनेही युवतीवर अत्याचार केले. पोलिसांनी या प्रकरणी ३ आरोपींना अटक केली आहे. या महिलेवर गँगरेप झाल्याचा गुन्हा पोलिसांना नोंदवला आहे. 

पाकिस्तानी रेल्वे प्रवक्ता म्हणाले की, एक युवती २८ मे रोजी मुल्तानहून कराचीला जात होती. ती बाहुद्दीन जकारिया एक्सप्रेसमधून प्रवास करत होती. तेव्हा टीसीसह अन्य २ दोघांनी मिळून या युवतीवर बलात्कार केला. पोलिसांनी युवतीच्या तक्रारीवरून या प्रकरणी गुन्हा नोंद करून तिघा आरोपींना पकडलं आहे. महिलेने तक्रारीत म्हटलंय की, ती जनरल कोचमधून प्रवास करत होती. तेव्ही तिकीट तपासणाऱ्या रेल्वे अधिकाऱ्याने तिला एसी कोचमध्ये सीट ऑफर केली. त्यानंतर मी त्याच्यासोबत एसी कंपार्टमेंटमध्ये गेली. त्याठिकाणी टीसी आणि अन्य २ स्टाफनं तिच्यावर बलात्कार केला. जेव्हा युवती तिथून पळण्याचा प्रयत्न करत होती तेव्हा आरोपींना तिला जीवे मारण्याची धमकी दिली. 

युवतीने कराचीला पोहचून या घटनेबाबत तक्रार नोंदवली. त्यानंतर रेल्वे पोलिसांनी गुन्हा नोंद करून आरोपींना पकडण्यासाठी टीम बनवली. पोलिसांनी फरार असलेल्या ३ आरोपींना अटक केली. मेडिकल रिपोर्टच्या आधारे पोलिसांनी युवतीवर सामुहिक बलात्कार झाल्याची पुष्टी केली. बाहुद्दीन एक्सप्रेस ऑपरेट करण्याची जबाबदारी एका खासगी कंपनीकडे आहे. अटक केलेले सर्व आरोपी त्याच खासगी कंपनीचे कर्मचारी आहेत. ही महिला कराचीला राहणारी असून अलीकडेच तिने पतीसोबत तलाक घेतला आहे. ती मुजफ्फरगढ येथे तिच्या मुलांना भेटण्याासाठी गेली होती. त्यानंतर २८ मे रोजी ती पुन्हा कराचीला परतत होती. त्यावेळी तिच्यासोबत ही दुर्देवी घटना घडली.