खळबळजनक! दोन्ही चिमुकल्यांची गळा दाबून हत्या करून आईची आत्महत्या; मन सुन्न करणारी घटना

Crime News : महिलेने आपल्या पाच वर्षांच्या लेकीचा आणि दीड वर्षांच्या मुलाचा गळा दाबून जीव घेतला. पोलीस या प्रकरणाचा अधिक तपास करत आहेत. 

नवी दिल्ली - देश कोरोनाच्या संकटाचा सामना करत असताना अनेक धक्कादायक घटना सातत्याने समोर येत आहेत. अशीच एक भयंकर घटना घडली आहे. उत्तर प्रदेशच्या (Uttar Pradesh)  गाझियाबाद (Ghazaibad) एक हृदयद्रावक घटना घडली. लोनी परिसरात राहणाऱ्या एका 25 वर्षीय महिलेने आपल्या दोन्ही चिमुकल्यांची हत्या केली आहे. धक्कादायक बाब म्हणजे मुलांची हत्या केल्यानंतर तिने गळफास घेऊन आत्महत्या केली आहे. महिलेने आपल्या पाच वर्षांच्या लेकीचा आणि दीड वर्षांच्या मुलाचा गळा दाबून जीव घेतला. पोलीस या प्रकरणाचा अधिक तपास करत आहेत. 

मिळालेल्या माहितीनुसार, प्रिय दहिया असं 25 वर्षीय महिलेचं नाव असून ती लोनी बॉर्डर परिसरातील उत्तरांचल कॉलनीमध्ये राहत होती. 18 जुलैच्या संध्याकाळी प्रियानं सर्वात आधी आपल्या पाच वर्षीय मुलीचा गळा दाबला आणि त्यानंतर दीड वर्षांच्या मुलाचा गळा दाबून हत्या केली. दोन्ही मुलांचा जीव घेतल्यानंतर तिने आपल्या राहत्या घरामध्ये गळफास घेऊन आत्महत्या केली आहे. पोलिसांना घटनेची माहिती मिळताच ते घटनास्थळी दाखल झाले. तातडीने तिघांना उपचारासाठी रुग्णालयात दाखल करण्यात आले. मात्र डॉक्टरांनी त्यांना मृत घोषित केलं. 

धक्कादायक! पोलीस ठाण्यात पोलिसांसमोरच तरुणाला केली लाठ्या-काठ्यांनी बेदम मारहाण अन्...#crime#crimesnews#Police#Indiahttps://t.co/YHIoZmWJKj

— Lokmat (@MiLOKMAT) July 19, 2021

प्रियाने अचानक असं टोकाचं पाऊल उचलल्याने सर्वांनाच मोठा धक्का बसला आहे. घरामध्ये पती-पत्नी आणि मुलांशिवाय दुसरं कोणीच राहत नव्हतं. आपल्या दोन्ही मुलांचा जीव घेऊन तिने आत्महत्या का केली यामागचं कारण अद्याप अस्पष्ट आहे. पोलीस या प्रकरणाचा अधिक तपास करत आहेत. या घटनेने परिसरात एकच खळबळ उडाली आहे. एका हिंदी वेबसाईटने याबाबतचे वृत्त दिले आहे. मध्य प्रदेशमध्ये एक भयंकर घटना घडली आहे. सैन्यात भरती होण्याचं स्वप्न पूर्ण न झाल्याने एका तरुणाने टोकाचं पाऊल उचललं आहे. गळफास घेऊन आत्महत्या करून जीवन संपवलं आहे. 

सैन्यात भरती होण्याचं स्वप्न पूर्ण न झाल्याने तरुणाने उचललं टोकाचं पाऊल; गळफास घेऊन संपवलं जीवन #crime#crimesnews#Suicide#Policehttps://t.co/uENvUwfaCRpic.twitter.com/U65FSftXv0

— Lokmat (@MiLOKMAT) July 18, 2021

"मुख्यमंत्रीजी, बेरोजगार असल्याने मी आत्महत्या करतोय; तरुणांना रोजगार द्या"; Video जोरदार व्हायरल

तरुणाने या संदर्भात मुख्यमंत्र्यांना देखील एक पत्र पाठवलं आहे. तसेच आत्महत्येपूर्वी त्याने एक व्हिडीओ तयार केला होता. जो आता सोशल मीडियावर जोरदार व्हायरल होत आहे. यामध्ये त्याने "मुख्यमंत्रीजी, माझी तुम्हाला विनंती आहे की, विद्यार्थ्यांना रोजगार द्या. बेरोजगारीमुळे मी आज आत्महत्या करत आहे" असं म्हणत गळफास घेऊन आत्महत्या केली आहे. बेरोजगार तरुणाच्या आत्महत्येने एकच खळबळ उडाली आहे. मिळालेल्या माहितीनुसार, मध्यप्रदेशातील राजगड जिल्ह्यातील शेहदखेडी येथे राहणाऱ्या कुंदन राजपूतने 10 जुलै रोजी इंदूरच्या पीथमपूरमध्ये आत्महत्या केली आहे. आत्महत्येपूर्वीचा कुंदनचा व्हिडीओ आणि सुसाईड नोट आता समोर आली असून ती जोरदार व्हायरल होत आहे.

भयंकर! "तो एकटाच हातात चाकू घेऊन कोणालातरी मारण्याचा सराव करायचा अन्..."#Crime#crimesnews#Policehttps://t.co/rINoRkFNom

— Lokmat (@MiLOKMAT) July 17, 2021