धक्कादायक! फिरायला जाण्याच्या बहाण्याने ५ मित्रांच्या हवाली केली गर्लफ्रेंड, गँपरेप केला अन्...

उत्तर प्रदेशमधून एक धक्कादायक बातमी समोर आली आहे. अल्पवयीन मुलीवर ५ तरुणांनी सामूहिक बलात्कार केल्याची घटना समोर आली आहे. या प्रकरणी पाच तरुणांना पोलिसांनी ताब्यात घेतले आहे. महपूर कालव्याजवळ अटक करण्यात आली. वाराणसीमध्ये ५ मार्च रोजी अल्पवयीन मुलीवर सामूहिक बलात्काराची घटना घडली होती. याप्रकरणी पीडितेच्या नातेवाईकांनी १२ मार्च रोजी गुन्हा दाखल केला होता. 

पोलिसांनी दिलेली माहिती अशी, अटक करण्यात आलेल्या आरोपींमध्ये ४ अल्पवयीन आहेत. हे प्रकरण गाजीपूर जिल्ह्यातील सैदपूर पोलीस ठाण्याच्या हद्दीतील एका गावाशी संबंधित आहे. बांधकाम सुरू असलेल्या घरात काम करणाऱ्या मजुराच्या मुलाने घरमालकाच्या अल्पवयीन मुलीला प्रेमाच्या जाळ्यात अडकवले असल्याचे सांगितले जात आहे.

 

Pune Crime | दहशत माजवित खंडणी मागणाऱ्या चौघांना मोक्कानुसार शिक्षा

५ मार्च रोजी आरोपीने त्याच्या दोन मित्रांसह अल्पवयीन मुलीला आमिष दाखवून चौबेपूर येथे नेले. जिथे त्यांना आणखी दोन दुचाकीवरुन तीन मित्र भेटले. यानंतर पाच आरोपींनी मुलीला वाराणसीला घेऊन गेले आणि महामार्गालगतच्या शेतात तिच्यावर सामूहिक बलात्कार केला. बलात्कारानंतर आरोपीने पीडितेला गंगा नदीत फेकून दिले आणि सर्व आरोपी फरार झाले.यावेळी स्थानिक खलाशांनी या अल्पवयीन मुलीला वाचवून वाराणसी ट्रॉमा सेंटरमध्ये दाखल केले.

उपचारानंतर पीडितेच्या नातेवाईकांनी तिला ६ मार्च रोजी गाझीपूरला आणले आणि १२ मार्च रोजी सैदपूर पोलीस ठाण्यात गुन्हा दाखल केला. या प्रकरणी पोलिसांनी ४ अल्पवयीन आरोपींसह ५ आरोपींना अटक करून त्यांना तुरुंगात ठेवले आहे. '१२ मार्च रोजी एका अल्पवयीन मुलाने सैदपूर पोलीस ठाण्यामध्ये गंभीर गुन्ह्याची तक्रार दाखल केली होती.

५ मार्च रोजी मुलीच्या आजीच्या घरी काम करणाऱ्या एका मजुराने मित्रासह तिला चौबेपूर घेऊन गेला. यावेळी तिथे आणखी तीन मित्र भेटले. सर्वांनी तिला वाराणसीला फिरायला घेऊन जाण्याचा बहाना केला आणि वाटेत गव्हाच्या शेतात तिच्यावर बलात्कार केला. मुलीने घरी सांगू असे सांगताच सर्वांनी तिला गंगा नदीत फेकून दिले, स्थानिक होडीवाल्यांनी मुलीला वाचवले आणि तिला वाराणसी ट्रॉमा सेंटरमध्ये दाखल केले. सुरुवातीला मुलगी मानसिक आघातात होती, त्यामुळे १२ मार्च रोजी तक्रार दाखल करण्यात आली. याप्रकरणी ५ आरोपींना अटक करण्यात आली आहे. सर्वांवर कठोर कारवाई केली जाईल, अशी माहिती पोलिसांनी दिली.