प्रियकरानं दुखावल्यामुळं प्रेयसीचा गळफास; मोबाईल कॅमेऱ्यात कैद झाला भयानक व्हिडीओ

प्रियकरानं दिलेल्या वागणुकीनं प्रेयसी खुप दुखावली गेली. तिने सोशल मीडियावर एक व्हिडीओ पोस्ट करत या जगाचा अखेरचा निरोप घेतला.

पश्चिम बंगालच्या उत्तर परगना जिल्ह्यात एक ह्द्रयद्रावक घटना घडली आहे. अनेक काळ एकमेकांसोबत रिलेशनशिपमध्ये होते. दोघंही एकत्र राहायचे. घरीच प्रियकरानं प्रेयसीशी भांगेत कुंकू भरलं. परंतु अचानक एकेदिवशी प्रियकरानं प्रेयसीला म्हातारी दिसत असल्याचं म्हटलं. त्यानंतर तिच्याशी बोलणं कमी केले. प्रियकराच्या अशा वागण्याने प्रेयसीला धक्का बसला. तिने त्याच्याशी बोलण्याचा प्रयत्न केला परंतु प्रियकरानं तिला काहीच उत्तर दिलं नाही.

प्रियकरानं दिलेल्या वागणुकीनं प्रेयसी खुप दुखावली गेली. तिने सोशल मीडियावर एक व्हिडीओ पोस्ट करत या जगाचा अखेरचा निरोप घेतला. बनगावच्या छायाघरिया गावातील ही दुर्दैवी घटना आहे. आत्महत्या करणाऱ्या मुलीचं वय २५ वर्ष आहे. नातेवाईकंच्या म्हणण्यानुसार, रियाचे काही वर्षापासून परिसरातच राहणाऱ्या सूरज विश्वास नावाच्या मुलाशी संबंध होते. या दोघांची सुरुवातीला मैत्री झाली त्यानंतर त्याचे रुपांतर प्रेमात झाले. सूरजनं रियाला प्रेमाची मागणी घातली. त्याला प्रेयसीनं होकार दिला. त्यानंतर हळूहळू त्यांचं नातं फुलत गेले. या दोघांमधील अंतर खूप कमी झालं होतं. रियानं तिच्या फेसबुक पोस्टवर याबाबत पोस्ट केले आहे.

सूरजचे अन्य मुलीसोबत संबंध असल्याचं रियाला माहिती पडलं. त्यानंतर सूरजनं रियाला म्हातारी असल्याचं म्हटलं. सूरज आणि रियाच्या नात्यात कुटुंबीयांनी विरोध केला. मात्र सूरजच्या वागण्यानं रिया मनाने पूर्ण कोसळली होती. सूरजला समजवण्याचा प्रयत्न केला तरी त्याने रियाशी बोलणं सोडलं. रिया सूरजला तिचा पती मानत होती. परंतु सूरजला तिच्याशी संबंध ठेवायचे नव्हते. सूरजनं रियापासून दूर जायचं ठरवलं होतं. सूरजला रियाच्या नातेवाईकांनीही समजावलं परंतु त्याने रियाशी लग्न करायचं नाही हे ठाम सांगितले.

प्रियकराच्या वागण्यानं प्रेयसी दुखावली

सूरजच्या वागण्यानं रियाचं मन दुखावलं होतं. रविवारी रात्री जेवण झाल्यानंतर रिया तिच्या खोलीत झोपण्यासाठी गेली. त्यावेळी अचानक जोरदार आवाज आला. कुटुंबातील सदस्याने रियाच्या रुमकडे धाव घेतली तेव्हा रिया तिच्या खोलीत गळफास घेतलेल्या अवस्थेत आढळली. मोबाईल पुढे पडला होता. मोबाईलवर व्हिडीओ सुरू होता. सर्व घटना व्हिडीओत कैद झाली. रियाने गळ्यात फास लावला होता. कुटुंबातील सदस्याने रियाला उतरवून तात्काळ हॉस्पिटलला नेले परंतु त्याठिकाणी डॉक्टरांनी तिला मृत घोषित केले. रियाच्या अशा जाण्याने कुटुंबीयांवर दु:खाचा डोंगर कोसळला. त्यानंतर त्यांनी सूरजविरोधात तक्रार नोंदवली असून सध्या या प्रकरणाचा पोलीस तपास करत आहेत.