नवरदेवाने आपल्याच लग्नात मित्रावर 'झाडली' गोळी, आनंदाच्या ठिकाणी पसरलं दु:खाचं सावट

Groom Shot His Friend In His Wedding: व्हिडीओत दिसत आहे की, नवरदेव रथावर उभा राहून जल्लोष करत आहे. यादरम्यान त्याच्या हातात एक रिवॉल्वरही आहे. ज्याने त्याने हवेत फायरिंग करण्याचा प्रयत्न केला.

Groom Shot His Friend In His Wedding: कधी कधी जास्तीचा उत्साह किती महागात पडू शकतो हे दाखवणारी एक घटना उत्तर प्रदेशच्या सोनभद्र जिल्ह्यातून समोर आली आहे. जिल्ह्यातील ब्रम्हनगर भागात झालेल्या या घटनेचा खळबळजनक व्हिडीओ समोर आला आहे. हा व्हिडीओ सोशल मीडियावर व्हायरल झाला आहे.

व्हिडीओत दिसत आहे की, नवरदेव रथावर उभा राहून जल्लोष करत आहे. यादरम्यान त्याच्या हातात एक रिवॉल्वरही आहे. ज्याने त्याने हवेत फायरिंग करण्याचा प्रयत्न केला. पण एका चुकीमुळे त्याच्या मित्राला गोळी लागली. मृत व्यक्तीचं नाव बाबू लाल यादव असून तो सेनेत जवान होता. रिपोर्ट्सनुसार, फायरिंगमध्ये वापरेलील बंदुक बाबू लाल यादव याचीच होती.

थाना रॉबर्ट्सगंज क्षेत्रान्तर्गत आशीर्वाद वाटिका मे आयोजित वैवाहिक कार्यक्रम में दूल्हा मनीष मद्धेशिया नि0 रॉबर्ट्सगंज, सोनभद्र द्वारा की गयी हर्ष फायरिंग में गोली लगने से एक व्यक्ति (सेना में कार्यरत) बाबूलाल यादव की मृत्य हो गयी जिसके सम्बन्ध में #DIG/SP SBR द्वारा दी गयी बाइट- pic.twitter.com/gS5QnfM28s

— Sonbhadra Police (@sonbhadrapolice) June 22, 2022

सोनभद्र पोलीस अधीक्षक अमरेंद्र प्रताप सिंह यांनी घटनेची माहिती देत सांगितलं की, नवरदेव आणि पीडित व्यक्ती मित्र होते. ते म्हणाले की, गोळी लागल्यानंतर यादवला लगेच हॉस्पिटलमध्ये नेण्यात आलं. पण उपचारादरम्यान त्याचा मृत्यू झाला. मीडियासोबत बोलताना पोलीस अधिक्षकांनी सांगितलं की, नवरदेवाला ताब्यात घेण्यात आलं आहे. तक्रार दाखल करण्यात आली आहे. पोलीस पुढील चौकशी करत आहेत.