व्हॅलेंटाईन वीकमध्ये झालेला प्रेमविवाह अन् आता...; प्यारवाली लव्हस्टोरीचा 'असा' भयंकर शेवट

व्हॅलेंटाईन वीकमध्ये झालेल्या या भेटीचे रुपांतर प्रेमात झाले. सोनमच्या कुटुंबात कोणीच नव्हते, त्यामुळे तिने अवधेशसोबत प्रेमविवाह केला.

ग्वाल्हेरमध्ये व्हॅलेंटाईन वीकमध्ये पत्नीवर असलेल्या रागातून एका तरुणाने तिची हत्या केल्याची धक्कादायक घटना घडली आहे. बहोदापूर पोलीस ठाण्यातील किशन बाग परिसरात अवधेश वंशकार याने पत्नी सोनमची निर्घृण हत्या केली. कुटुंबीयांनी सांगितले की, तीन दिवसांपूर्वी अवधेशने सोनमला एका मुलाशी Whatsapp वर बोलताना पकडले होते. तेव्हापासून दोघांमध्ये वाद सुरू होता. 9 फेब्रुवारीच्या रात्री हे प्रकरण इतके वाढले की अवधेशने पत्नी सोनमची धारदार शस्त्राने हत्या केली. 

अवधेशने सकाळी पोलीस ठाणे गाठून स्वत: गुन्ह्याची कबुली दिली आहे. मिळालेल्या माहितीनुसार, खून केल्यानंतर आरोपी अवधेश थेट बहोदापूर पोलीस ठाण्यात गेला. त्याने पत्नीचा खून केल्याचे पोलिसांना सांगितले. पोलिसांनी त्याला किशनबागेत नेले. तेथे पत्नी सोनमचा मृतदेह घरात पडून होता. महिलेच्या अंगावर धारदार शस्त्राच्या खुणा होत्या. काठ्या आणि रॉडसोबतच अवधेशने धारदार शस्त्रांनी वार केले होते. बहोदापूर पोलिसांनी तत्काळ सोनमचा मृतदेह शवविच्छेदनासाठी जैरोग्य रुग्णालयात पाठवला. 

पोलिसांनी आरोपी पती अवधेशकडून तिचा मोबाईलही घेतला. जबाबाच्या आधारे पुढील कारवाई केली जाईल, असे पोलिसांचे म्हणणे आहे. ग्वाल्हेरच्या किशनबाग भागात राहणारा 35 वर्षीय अवधेश सोनमला 3 वर्षांपूर्वी ग्वाल्हेर रेल्वे स्टेशनवर भेटला होता. व्हॅलेंटाईन वीकमध्ये झालेल्या या भेटीचे रुपांतर प्रेमात झाले. सोनमच्या कुटुंबात कोणीच नव्हते, त्यामुळे तिने अवधेशसोबत प्रेमविवाह केला. दोघांचे आयुष्य चांगले चालले होते.

काही महिन्यांपूर्वी सोनमची झाशीतील एका मुलाशी ओळख झाली. अवधेशच्या आईने पोलिसांना सांगितले की, 3 दिवसांपूर्वी झाशीच्या मुलाने अवधेशच्या मोबाईलवर सोनमसोबतचे आक्षेपार्ह फोटो पाठवले होते. यावरून दोघांमध्ये जोरदार भांडण झाले. पण, न पटल्याने अवधेश काल रात्री सोनमची हत्या केली. या घटनेने परिसरात एकच खळबळ उडाली आहे. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"