गर्लफ्रेंडसोबत साजरं करायचं होतं नवीन वर्ष म्हणून पत्नीचा काढला काटा; 'असा' झाला पर्दाफाश

नात्याला काळीमा फासणारी एक घटना समोर आली आहे.

उत्तर प्रदेशच्या हापूरमध्ये नात्याला काळीमा फासणारी एक घटना समोर आली आहे. प्रेयसीसाठी पत्नीने आपल्याच पत्नीचा काटा काढला आणि नंतर खोटी गोष्ट सर्वांना सांगितली. स्वत: हत्या केली पण पोलिसांना खून आणि खोट्या दरोड्याची कहाणी सांगितली. मात्र, पोलिसांनी 12 तासांत महिलेचा खून आणि दरोड्याचा बनाव उघड करून आरोपी पतीला अटक केली आहे. मिळालेल्या माहितीनुसार, पती विकास शर्माने प्रेयसीसोबत मिळून पत्नी सोनियाला मारण्याचा प्लॅन तयार केला. 

गाझियाबादहून पत्नीला सोबत घेऊन पती निघाला. त्यानंतर रस्त्याच्या मधोमध दोरीने गळा आवळून हत्या केली. प्रेमप्रकरणात आडकाठी आल्याने आरोपी पतीने पत्नीला मार्गातून हटवून हापूर गाठले आणि दरोड्याच्या वेळी विरोध केल्याने पत्नीचा खून झाल्याची खोटी माहिती पोलिसांना दिली. आरोपी पतीने पोलिसांना सांगितले की, जेव्हा तो निजामपूरजवळ पोहोचला तेव्हा अज्ञात चोरट्यांनी त्याची कार थांबवली आणि लुटमार सुरू केली. दरम्यान, पत्नीने विरोध केल्याने चोरट्यांनी तिची हत्या केली.

पोलिसांना ही घटना संशयास्पद वाटली. त्यानंतर पोलिसांनी आरोपी पतीला ताब्यात घेऊन कसून चौकशी केली, त्यानंतर या घटनेचा सूत्रधार पतीच असल्याचे उघड झाले, ज्याने आपल्या मैत्रिणीसोबत मिळून पत्नीची हत्या केली होती. 12 तासांच्या आत घटनेचा खुलासा करताना हापूरचे एसपी दीपक भूकर यांनी सांगितले की, आरोपीचे औषध कंपनीत काम करणाऱ्या तरुणीशी प्रेमसंबंध होते, ज्यामध्ये पती विकास शर्मा नोकरीला होता. ज्याची माहिती आरोपी पतीच्या पत्नीला होती. त्यानंतर दोघांमध्ये अनेकदा वाद झाले आणि वाद वाढतच गेला. त्यामुळे आरोपी पतीने प्रेयसीसोबत मिळून पत्नीला मार्गावरून दूर करण्याचा प्लॅन तयार केला आणि हापूरमध्ये तिची हत्या केल्यानंतर दरोडा आणि खुनाची बनावट माहिती पोलिसांना दिली.

अटक केलेल्या विकास शर्माच्या हत्येचे अनेक मार्ग मोबाईलवरून इंटरनेटवर शोधण्यात आल्याचा खुलासा हापूरच्या एसपींनी केला. गुगल सर्च इंजिनवरून पोलिसांना त्याची संपूर्ण माहिती मिळाली आहे. आरोपी पतीच्या ताब्यातून काही ऑडिओ रेकॉर्डिंगही पोलिसांना मिळाले आहेत. पोलिसांनी आरोपी पतीला अटक करून तुरुंगात पाठवले. आरोपीने नवीन वर्षात ज्या प्रेयसीसोबत राहण्याचे स्वप्न पाहिले होते, त्याला अटक करून तुरुंगात पाठवले आहे. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"