सौदीतून पतीने केला कॉल, बिहारमध्ये पत्नीने उचलले टोकाचे पाऊलं; कुटुंब झालं उद्ध्वस्त

मुझफ्फरपूरच्या मोतीपूरमध्ये पतीसोबत फोनवरून झालेल्या भांडणानंतर पत्नीने गळफास घेऊन आत्महत्या केली.

सौदीत कामासाठी गेलेल्या पतीचा रात्री उशीरा पत्नीला कॉल येतो. फोनवरील बोलणं झाल्यानंतर पत्नी रुम बंद करुन घेते. घरचे सकाळी उठतात तर तीन महिन्याच्या मुलीचा रडण्याचा आवाज ऐकू येतो. घरचे दरवाजा उघडण्याचा प्रयत्न करतात पण आतून काहीच हालचाल होत नाही. यानंतर कुटंबिय दरवाजा तोडतात तर आत महिलेचा मृतदेह दिसतो. ही घटना बिहारमधील आहे. पोलिसांनी या घटनेचा तपास सुरु केला आहे.

5 मुलांचा बाप शेजारच्या 3 मुलींच्या आईच्या प्रेमात पडला; पळून गेला, नातेवाईकांचा गंभीर आरोप

पोलिसांनी दिलेली माहिती अशी, २१ वर्षीय झीनत आफरीनने मुझफ्फरपूरमधील मोतीपूर येथील बरूराज पोलीस स्टेशन हद्दीतील फुलवारिया गावात गळफास लावून आत्महत्या केली. सकाळी उशिरापर्यंत खोली न उघडल्याने तीन महिन्यांच्या मुलीच्या ओरडन्याचा आवाज ऐकून दरवाजा तोडला, यावेळी  महिलेचा मृतदेह लटकलेल्या अवस्थेत आढळून आला. मृताच्या सासूने सांगितले की, रात्री फोनवर पतीसोबत वाद झाल्यानंतर ती दार लावून झोपली होती. सकाळी आत्महत्येची माहिती मिळाली. माहिती मिळताच पोलिसांनी मृतदेह ताब्यात घेऊन पोस्टमॉर्टमसाठी एसकेएमसीएचमध्ये पाठवला. पोलिसांनी कुटुंबीयांचे तोंडी जबाब घेतले. मृताच्या सासू जमिला खातून यांनी सांगितले की, घरात सासू, सून आणि तीन महिन्यांची मुलगी राहतात. चार महिन्यांपूर्वी त्यांचा मुलगा मोहं. रुस्तम सौदीत कामासाठी गेला आहे.

गुरुवारी झीनत आफरीन आणि रुस्तुम यांच्यात मोबाईल फोनवर काही कारणावरून भांडण झाले. ती खूप रागावलेली दिसत होती. रात्री ती दुसऱ्या खोलीत झोपायला गेली. आफरीनने मुलासह स्वतःला खोलीत कोंडून घेतले. सकाळी उशिरापर्यंत दरवाजा न उघडल्याने संशय आल्याने आजूबाजूच्या लोकांना माहिती दिली. दरवाजा ठोठावल्यानंतर आफरीनचा आवाज आला नाही आणि मुलगी आतून रडत होती. त्यानंतर गावकऱ्यांनी दरवाजा तोडला. आत आफरीन तिच्या साडीला लटकत होती. गावकऱ्यांनी फास कापून मृतदेह बाहेर काढून बेडवर ठेवला. यानंतर घटनेची माहिती बरुराज पोलीस ठाण्यात देण्यात आली.

माहिती मिळताच एसआय सुमन झा यांनी एका टीमसह घटनास्थळी पोहोचून मृतदेह ताब्यात घेतला आणि पोस्टमॉर्टमसाठी एसकेएमसीएचमध्ये पाठवला. पोलिस ठाण्याचे अध्यक्ष संजीवकुमार दुबे यांनी सांगितले की, प्रथमदर्शनी हे आत्महत्येचे प्रकरण आहे. तसे, शवविच्छेदन अहवाल आल्यानंतरच मृत्यूचे कारण स्पष्ट होईल. शवविच्छेदनानंतर मृतदेह पालकांच्या ताब्यात देण्यात आला आहे.