प्रियकरासोबत पत्नीला नको त्या अवस्थेत बेडरुममध्ये पाहिलं; पती संतापला अन् थेट...

पतीला लपवून प्रियकराला दररोज भेटायची पत्नी, अनेकदा घरी यायचा प्रियकर, शेजाऱ्यांनी पतीला सांगितलं. 

भोपाळ - सध्या विवाहबाह्य संबंधांमुळे घडणाऱ्या गुन्ह्यांच्या अनेक बातम्या समोर येत असतात. एक्स्ट्रा मॅरिटल अफेअरमुळे घटस्फोट होतात, काही वाद खूनापर्यंत पोहचतात. असाच एक प्रकार मध्य प्रदेशातील दातिया जिल्ह्यात समोर आला आहे. ज्याठिकाणी एका युवकाने त्याच्या पत्नीला प्रियकरासोबत बेडरूममध्ये पकडलं. हे पाहून पतीचा राग अनावर झाला आणि त्यानंतर जे घडलं त्यामुळे सगळेच हैराण झाले. 

घरातील बेडरुममध्ये पत्नीला नको त्या अवस्थेत तिच्या प्रियकरासोबत पाहून पती संतापला. त्याने किचनमध्ये जात तिथे ठेवलेली कुऱ्हाड घेतली आणि पत्नीच्या प्रियकरावर हल्ला केला. यावेळी बचावासाठी आलेल्या पत्नीलाही मारून टाकलं. त्यानंतर आरोपी पती जवळच्या पोलीस स्टेशनला गेला. आरोपीच्या अंगावरील कपड्यांवर रक्ताचे डाग पाहून पोलीस सतर्क झाले, त्याच्या हातात कुऱ्हाड होती. मी माझ्या पत्नीला आणि तिच्या प्रियकराला संपवलंयं, मला अटक करा, मला कुठलाही पश्चाताप नाही असं आरोपीने पोलिसांकडे कबुली दिली. 

युवकाची अवस्था पाहून पोलीस ठाण्यातील अधिकारी-कर्मचारी शॉक झाले होते. पोलिसांनी आरोपीला ताब्यात घेत त्याचा जबाब घेतला, त्यावेळी तो म्हणाला की, मी सिव्हिल लाईनमध्ये राहतो. एक वर्षापूर्वी पूजा नावाच्या युवतीसोबत माझं लग्न झालं होतं. आम्ही दोघेही खुश होतो परंतु तिचं माझ्यावर नाही तर अन्य कुणावर प्रेम होतं हे मला माहिती नव्हतं. ज्याच्यावर ती प्रेम करायची तो तिचाच नातेवाईक होता. तो नेहमी आमच्या घरी यायचा. परंतु मला कधीही या दोघांवर संशय आला नाही. मात्र ६ महिन्यापासून तो सतत माझ्या घरी यायचा. अनेकदा मी घरात नसताना यायचा हे मला शेजाऱ्यांकडून समजायचे असं त्याने पोलिसांना सांगितले. 

मी बुधवारी त्या नातेवाईकाला घराच्या आसपास फिरताना पाहिले तेव्हा माझा संशय खरा ठरला. माझ्या पत्नीने मला मार्केटमधून सामान आणायला सांगितले, मला या दोघांना रंगेहाथ पकडायचं होतं. त्यासाठी मी मुद्दाम त्याठिकाणाहून निघून गेलो. परंतु मार्केटला न जाता दुसऱ्या गल्लीत जाऊन उभा राहिलो. थोड्या वेळानंतर मी अचानक घरी गेलो, दरवाजा वाजवला तेव्हा पत्नीऐवजी त्या नातेवाईकाने दरवाजा उघडला. मला पाहून तो भांबरला. मी लगेच बेडरुममध्ये गेलो तेव्हा माझ्या पत्नीला आक्षेपार्ह अवस्थेत पाहिलं. त्यानंतर माझा राग अनावर झाला आणि मी दोघांनाही संपवून टाकलं असं आरोपीने पोलिसांना म्हटलं.दरम्यान, आरोपी युवकाचा जबाब घेत पोलिसांनी घटनास्थळ गाठलं तेव्हा संपूर्ण खोलीत रक्त सांडलं होतं. दोघांचेही मृतदेह तिथेच पडले होते. पोलिसांनी मृतदेह ताब्यात घेत पोस्टमोर्टमसाठी पाठवले. सध्या आरोपी पतीला पोलिसांनी अटक केली असून त्याची चौकशी सुरू आहे.