माता न तूं वैरिणी! अनैतिक संबंधाच्या आड येणाऱ्या २६ वर्षीय मुलाचा आईनेच काटा काढला अन् नाल्यात फेकला

काही दिवसांपूर्वी गुरदासपूरच्या गावातील एका नाल्यात अर्धवट सडलेला मृतदेह सापडला. मृतदेह सापडल्याने गावात खळबळ माजली

ठळक मुद्देमृत व्यक्तीच नाव रणदीप सिंग असून त्याचे वय २६ वर्ष होतं.रणदीपची आई रुपिन्दरजीत कौर आणि प्रियकर सुखविन्दर सिंग यांचे अनैतिक संबध होते.मृतकाच्या आईने प्रियकर सुखविन्दर सिंग आणि त्याचा एक साथीदार गुरजीत सिंग यांच्यासोबत मिळून स्वत:च्या २६ वर्षाच्या मुलाची हत्या केली.

गुरदासपूर – पंजाबच्या गुरदासपूर येथे खळबळजनक घटना घडली आहे. याठिकाणी अनैतिक संबंधाच्या आड येणाऱ्या मुलाला निर्दयी आईनं प्रियकराच्या मदतीनं जीवे मारलं आहे. २६ वर्षीय मुलाच्या हत्येनंतर आरोपींनी त्याचा मृतदेह नाल्यात सडवण्याचा प्रयत्न केला. तपासात मिळालेल्या माहितीनुसार मुलगा आईच्या अनैतिक संबंधात बाधा बनत होता. त्यामुळे त्याला वाटेतून दूर करण्याचा डाव आईनं आखला.

काही दिवसांपूर्वी गुरदासपूरच्या गावातील एका नाल्यात अर्धवट सडलेला मृतदेह सापडला. मृतदेह सापडल्याने गावात खळबळ माजली. या घटनेची माहिती तात्काळ पोलिसांना देण्यात आली. त्यानंतर पोलीस घटनास्थळी पोहचले आणि तपासाला सुरुवात केली. चौकशी केल्यानंतर धक्कादायक सत्य सगळ्यांसमोर आलं. मृतकाच्या आईला आणि त्याच्या प्रियकराला पोलिसांनी अटक केली आहे.

गुरदासपूरच्या एसएसपी नानक सिंग यांनी सांगितले की, आम्हाला गुरदासपूरच्या गावात अर्धवट सडलेला मृतदेह सापडला. त्यानंतर डीएसपी राजेश कक्कड यांच्या नेतृत्वात तपास पथक बनवलं. आम्ही या घटनेचा तपास केला तेव्हा असा खुलासा झाला की, मृत व्यक्तीच नाव रणदीप सिंह असून त्याचे वय २६ वर्ष होतं. तो बलवंडा गावात राहणारा होता. जेव्हा पोलिसांनी त्याच्या कुटुंबाची चौकशी केली तेव्हा कळालं की, रणदीपची आई रुपिन्दरजीत कौर आणि प्रियकर सुखविन्दर सिंग यांचे अनैतिक संबध होते.

संतापलेल्या गावकऱ्यांनी ७ जणांना डांबून ठेवलं. पीडित महिला देतेय मृत्यूची झुंज #Police#Rapehttps://t.co/lqI3rB4ZPo

— Lokmat (@MiLOKMAT) May 26, 2021

तपासात मिळालेल्या माहितीनुसार, मृतकाच्या आईने प्रियकर सुखविन्दर सिंग आणि त्याचा एक साथीदार गुरजीत सिंग यांच्यासोबत मिळून स्वत:च्या २६ वर्षाच्या मुलाची हत्या केली. रुपिन्दरजीत कौर आणि सुखविन्दर सिंग यांचे संबंध होते. ही बाब मुलगा रणदीपला कळाल्यानंतर त्याने आईला विरोध केला. त्यावरून दोघांमध्ये वारंवार भांडण होत असे. अखेर या गोष्टीला कंटाळून आईने रणदीपचा काटा काढायचं ठरवलं. त्यासाठी तिने सुखविन्दर सिंग आणि त्याचा साथीदार गुरजीत सिंग यांची मदत घेतली. मुलाच्या हत्येनंतर त्याचा मृतदेह नाल्यात फेकून देत सडवण्याचा प्रयत्न केला. सध्या पोलिसांनी मृतकाची आई आणि तिचा प्रियकर या दोघांना अटक केली आहे. तर त्याचा साथीदार गुरजीत फरार आहे. पोलीस त्याचा शोध घेत आहे.