पत्नीने प्रियकरासोबत मिळून केली पती हत्या, मुलीने पोलिसात दिली तक्रार

UP Crime News : घटनेच्या सहा महिन्यांनंतर पोलिसांनी महिला आणि तिच्या साथीदाराला अटक केली. कोर्टात हजर केल्यावर दोघांना तुरूंगात पाठवण्यात आलं आहे.

UP Crime News : उत्तर प्रदेशच्या कानपूर देहातमध्ये एक महिलेने आपल्या प्रियकरासोबत मिळून पतीची हत्या केली आणि दोघेही फरार झाले. मुलीच्या तक्रारीवरून पोलिसांनी आई आणि तिच्या प्रियकराविरोधात गुन्हा दाखल केला. बऱ्याच दिवसांपासून फरार असलेल्या आरोपींवर पोलिसांनी 10-10 हजारांचं बक्षीसही ठेवलं होतं. घटनेच्या सहा महिन्यांनंतर पोलिसांनी महिला आणि तिच्या साथीदाराला अटक केली. कोर्टात हजर केल्यावर दोघांना तुरूंगात पाठवण्यात आलं आहे.

ही घटना अलियापूर गावातील आहे. एप्रिल 2022 मध्ये संतोष कुमारचा गळा आवळून त्याची हत्या करण्यात आली होती. हत्येचा गुन्हा मृतकाची मुलगी मधुने तिची आई उर्मिला आणि तिचा प्रियकर सुनील विरोधात दाखल केला. हत्येनंतर दोघेही फरार होते. 

पोलिसांनी अटक केलेल्या सुनीलने सांगितलं की, त्याचं उर्मिलासोबत 20 वर्षापासून अफेअर सुरू होतं. ज्याचा तिचा पती विरोध करत होता. यावरून त्याने तिचा अनेकदा अपमानही केला होता. याचा सूड घेण्यासाठी संतोषचा गळा आवळून त्याची हत्या करण्यात आली. पतीची हत्या करण्यात आल्याचं पत्नीलाही माहीत होतं. तिच्या सांगण्यावरूनच ही हत्या करण्यात आली होती. दोन्ही आरोपी आता तुरूंगात कैद आहेत.