नात्यातीलच महिलेशी अनैतिक संबंध, पत्नीने पतीच्या डोक्यात मुसळी मारून केली हत्या

या प्रकरणी इंदिरानगर पोलिस ठाण्यात गुन्हा दाखल करण्यात आला असून पत्नी व मुलाला ताब्यात घेण्यात आली आहे.

- संजय शहाणे

नाशिक/ इंदिरानगर : पाथर्डी फाटा येथील यशवंतनगर परिसरातील एका आपार्टमेंट मधील सदिनिकेत पत्नीने पतीचे नात्यातीलच दुसऱ्या महिलेसोबत अनैतिक संबंध असल्याच्या संशयतातून मुलाच्या मदतीने पतीच्या डोक्यात मुसळी मारून खून केल्याची घटना घडली आहे. या प्रकरणी इंदिरानगर पोलिस ठाण्यात गुन्हा दाखल करण्यात आला असून पत्नी व मुलाला ताब्यात घेण्यात आली आहे.

पोलिसांनी दिलेल्या माहितीनुसार, दादाजी गवळी ( 41, समृद्धी प्लाझा, यशवंतनगर दामोदर चौक, पाथर्डी फाटा) हे त्यांची पत्नी सुनीता एक मुलगा (23) एक मुलगी(20) राहतात. गवळी‌ अंबड येथील कंपनीत कामाला होते. त्यांचे नात्यातीलच महिलेची अनैतिक संबंध असल्याचे त्यांची पत्नी सुनीता हिला कळाले होते. त्यामुळे सुमारे आठ महिन्यापूर्वीच पिंपळनेर पोलिस ठाण्यात त्यांचा वाद गेला होता. त्यावेळी पुन्हा असे घडरणार नाही असे अश्वासन देत या संदर्भात गवळी यांनी समझोता केला होता. परंतु पुन्हा गवळी यांनी बाहेरील महिलेश अनैतिक संबंध सुरूच ठेवल्याचा प्रकार त्यांची पत्नी सुनीता गवळी यांना कळाली. तसेच गवळी घरात पैसे देत नसल्याने दोघांमध्ये वाद सुरू झाले होते. 

या वादातून रविवारी रात्री पती-पत्नीमध्ये झालेले भांडण टोकाला गेले आणि संशयित पत्नी सुनीता गवळी यांनी त्याचा राग धरून सोमवारी (दि.10) पहाटे साडेचार ते पाच वाजेच्या सुमारास दादाजी गवळी झोपेत असताना मुलगा विशाल याच्या मदतीने दादाजी यांच्या डोक्यात मुसळीने मारून त्यांचा खून केला. या घटनेची माहिती पोलिसांना सकाळी सात वाजेच्या सुमारासा मिळाली, त्यानंतर वरिष्ठ पोलीस निरीक्षक नितीन पगार, सहाय्यक पोलीस निरीक्षक निखिल बोंडे, सहायक पोलीस निरीक्षक शंकर सिंह राजपूत, उपनिरीक्षक मनीषा शिंदे यांच्यासह सह गुन्हे शोध पथकाच्या कर्मचाऱ्यांनी घटनास्थळी धाव घेत संशयित सुनीता गवळी व मुलगा विशाल गवळी यांना ताब्यात घेण्यात आले आहे.