बंद खोलीत पोलिसाला दुसऱ्या महिलेशी रोमान्स करताना पकडले, पत्नीने धू धू धुतले...

Crime News : तिचा हवालदार पती बोगस उपनिरीक्षक होऊन गेल्या एक वर्षापासून पैसे गोळा करत असल्याचे सांगितले.

उत्तर प्रदेशातील कानपूरमध्ये एका महिलेने पोलीस कॉन्स्टेबल पतीला बंद खोलीत दुसऱ्या महिलेशी रोमान्स करताना रंगेहाथ पकडले. त्यानंतर तिने पोलीस नवऱ्याला बेदम मारहाण केली. या घटनेचा व्हिडिओ सोशल मीडियावर चांगलाच व्हायरल झाला आहे. पत्नीने पतीवर दुसरे लग्न केल्याचा आरोपही केला आहे. तसेच तिचा हवालदार पती बोगस उपनिरीक्षक होऊन गेल्या एक वर्षापासून पैसे गोळा करत असल्याचे सांगितले.

नौबस्ता मचारिया येथील रहिवासी विजयराजे यादव या पोलीस हवालदार राजीव यादवची पत्नी असल्याचे सांगितले जात आहे. तिने तिचा नवरा राजीव यादवला एका फ्लॅटमध्ये एका महिलेसोबत अश्लील चाळे करताना पकडले, त्यानंतर पती - पत्नी आणि ती महिला यांच्यात तासनतास हाय-व्होल्टेज ड्रामा सुरू होता. रागाच्या भरात विजयराजे यांनी पती राजीव यादव यांना मारहाण केली.

नवऱ्याची विश्वासघातकीपणा चव्हाट्यावर आल्यावर पत्नीने आणखी एक खुलासा केला आहे. पत्नी विजयराजे यांनी सांगितले की, तिचा पती हवालदार असून त्याच्याकडे सब इन्स्पेक्टरचे बनावट ओळखपत्र मिळाले आहे. यामुळे गेल्या एक वर्षापासून तो लोकांकडून पैसे वसूल करत होता. असे करून लाखो रुपये कमावले आहेत. विजयराजेची नौबस्ता पोलीस ठाण्यात तक्रार देऊन कारवाईची मागणी केली होती. मात्र, अनेक दिवस उलटूनही कोणतीही कारवाई न झाल्याने पत्नी विजयराजे यांनी आता डीसीपी दक्षिण कार्यालयात जाऊन न्याय मिळवून देण्याची मागणी केली आहे.

अतिरिक्त डीसीपी दक्षिण मनीष सोनकर सांगतात की, पत्नीने कॉन्स्टेबल पतीविरुद्ध गुन्हा दाखल केला आहे. पीडितेने सांगितले की, तिच्या पतीलाही दुसऱ्या महिलेपासून एक मूल आहे. याशिवाय पतीवर बनावट ओळखपत्र बनवून खंडणी उकळल्याचाही आरोप आहे. सध्या या संपूर्ण प्रकरणाचा तपास एसीपी गोविंदनगर यांच्याकडे सोपवण्यात आला आहे. दोषी आढळल्यास त्यांच्यावर कठोर कारवाई केली जाईल.