धक्कादायक! नशेली चहा पाजून महिलांच्यावर करायचा बलात्कार, असा झाला खुलासा

हरियाणातून एक धक्कादायक घटना समोर आली आहे. हरियाणातील फतेहबाद येथील टोहानामधील एका आश्रमामध्ये महिलांच्या समस्या दूर करण्याच्या नावाखाली एका बनावट बाबाने महिलावर लैंगिक अत्याचार केल्याची घटना समोर आली आहे. जलेबी बाबा नावाने या बाबाला ओळखले जात होते. बाबा महिलांना चहातून नशेच्या गोळ्या देऊन त्यांना बेशुद्ध करत होता, आतापर्यंत या बाबाने १०० हून अधिक महिलांवर अत्याचार केल्याचे समोर आले आहे. 

अनेक महिला आश्रमामध्ये आपल्या समस्या सोडवण्यासाठी बाबाच्या आश्रमामध्ये येत होत्या, यावेळी तो बाबा त्या महिलांना चहा द्यायचा. या चहातून तो महिलांना बेशुद्ध होण्याच्या गोळ्या द्यायचा. महिला बेशुद्ध झाल्यानंतर त्या महिलांसोबत लैगिंक अत्याचार करायचा, या घटनेचा तो बाबा व्हिडिओ बनवत असल्याचेही समोर आले आहे. 

दौंड तालुक्यात गावठी पिस्तूल विकण्यासाठी आलेल्या आरोपीला अटक

साधारण २० पूर्वी या बाबाने अगोदर जलेबीचा व्यवसाय सुरु केला होता. यानंतर त्याला एका मांत्रिकाची भेट झाली. मांत्रिकाने त्यालाही शिकवले. पुढची दोन वर्ष हा बाबा हरियाणातून गायब असल्याचे बोलले जात होते. पुढे परत आल्यानंतर त्या बाबाने आश्रम सुरू केला. 

अमरनवीरने आपले नाव बदलून अमरपरी ठेवले. लोकांच्या अडचणी, समस्या सोडण्यासाठी बाबा मदत करु लागला. यामुळे या बाबाची चर्चा परिसरात होऊ लागली. आपल्या समस्या घोऊन येणाऱ्यांची गर्दी वाढू लागली. यानंतर बाबाने आश्रमामध्ये काही महिलांनाही कामासाठी ठेवले.पुढ महिलांचे आश्रमामध्ये येण्याचे प्रमाण वाढले. महिलांना नशेच्या गोळ्या देऊन तो बाबा महिलांच्यावर लैंगिक अत्याचार करु लागला. 

या घटनेनंतर आश्रममधील काही व्हिडिओ सोशल मीडियावर व्हायरल झाले. यानंतर या घटनेची माहिती पोलिसांना मिळाली. काही महिलांनी बाबाविरोधात तक्रार करुन ही घटना उघडकीस आणली.