स्ट्रगलिंग अभिनेत्रीवर लैंगिक अत्याचाराचा प्रयत्न, स्टॉक ब्रोकर जिग्नेश मेहताविरोधात गुन्हा दाखल!

Jignesh Mehta : जिग्नेश मेहतावर लैंगिक छळ आणि विनयभंगाचा आरोप आहे.

मुंबई : एका स्ट्रगलिंग अभिनेत्रीवर लैंगिक अत्याचाराचा प्रयत्न केल्याच्या आरोपाखाली पश्चिम मुंबईतील एका हॉटेलमधून स्टॉक ब्रोकरला अटक करण्यात आली आहे. मुंबईच्या पश्चिम उपनगरातील हॉटेलमध्ये अभिनेत्री-मॉडेलवर लैंगिक अत्याचार करण्याचा प्रयत्न केल्याप्रकरणी स्टॉक ब्रोकर जिग्नेश मेहता (Jignesh Mehta) याच्याविरुद्ध अंधेरी एमआयडीसी पोलिस ठाण्यात गुन्हा दाखल करण्यात आला आहे. जिग्नेश मेहतावर लैंगिक छळ आणि विनयभंगाचा आरोप आहे.

जिग्नेश मेहताने पीडितेला मुंबईतील अंधेरी एमआयडीसी येथील हॉटेलच्या खोलीत भेटण्यास सांगितले होते. यावेळी अनेक बॉलिवूड निर्मात्यांना ओळखतो आणि काम मिळवून देतो, असे जिग्नेश मेहताने पीडितेला सांगितले होते. तसेच, पीडितेला शुक्रवारी हॉटेलच्या खोलीत जेवणासाठी उपस्थित राहण्यास सांगितले. पीडित तरूणी हॉटेलच्या खोलीत गेली असता जिग्नेश मेहताने तिच्यावर लैंगिक अत्याचार करण्याचा प्रयत्न केला. त्यावेळी त्याचा मित्रही तिथे उपस्थित होता. 

Mumbai | FIR registered against stock broker Jignesh Mehta at MIDC PS for allegedly molesting a model. IPC Sections 354 (assault or criminal force to woman with intent to outrage her modesty), 354B & 506 (criminal intimidation) invoked. He will be produced before the Court today.

— ANI (@ANI) August 6, 2022

दरम्यान,  घाबरलेल्या पीडितेने मदतीसाठी आरडाओरडा सुरू केला. तिचा आरडाओरडा ऐकून हॉटेलच्या कर्मचाऱ्यांनी धाव घेत पीडितेची सुटका केली. तसेच, त्यांनी जिग्नेश मेहताला पकडून अंधेरीतील एमआयडीसी पोलीस स्टेशनच्या ताब्यात दिले. यानंतर पोलिसांनी जिग्नेश मेहता विरोधात एफआयआर दाखल केला असून, त्याच्यावर कलम 354, 354 बी आणि 506 अंतर्गत गुन्हा दाखल करण्यात आला आहे.