पती बाहेर जाताच घरी यायचा प्रियकर, औषधांचा ओव्हरडोस देऊन पत्नीकडून पती अन् सासऱ्यांची हत्या!

उत्तर प्रदेशच्या कानपूरमध्ये प्रियकर आणि प्रॉपर्टीसाठी एका महिलेनं अगदी फिल्मी अंदाजात आपल्या पती व सासऱ्यांची हत्या केली आहे.

कानपूर-

उत्तर प्रदेशच्या कानपूरमध्ये प्रियकर आणि प्रॉपर्टीसाठी एका महिलेनं अगदी फिल्मी अंदाजात आपल्या पती व सासऱ्यांची हत्या केली आहे. पत्नी सपना हिला टेलिव्हिजन सीरिअल पाहून संपूर्ण आयडिला मिळाली आणि तिनं हत्येचा कट रचला. पोलिसांनी सपना आणि तिचा प्रियकर राज याच्यासह एकूण चार आरोपींना अटक केली आहे. 

पोलिसांच्या माहितीनुसार सपना हिनं आपलेच सासरे किशोर यांना औषधांचा ओव्हरडोस देऊन ठार केलं. यानंतर तिनं पती ऋषभ याच्यावर प्रियकर राज याच्याकरवी हल्ला घडवून आणला. हल्यातून तो वाचला तर त्याचीही औषधांचा ओव्हर डोस देऊन हत्या केली. समोर आलेल्या माहितीनुसार सपना हिचा पती ऋषभ याला मधुमेह आहे. यासाठी ऋषभला ग्लुकोजचं इंजेक्शन दिलं होतं. मृत ऋषभ यांची मावशीनं सांगितलं की ऋषभ घरी नसला की सपना तिचा प्रियकर राज याला घरी बोलवायची.

सपना हिनं पोलिसांच्या डोळ्यात धूळफेक करण्यासाठी ज्यावेळी पती ऋषभवर हल्ला झाला होता तेव्हा तिनं त्यांचे शेजारी विश्वकर्मा यांच्याविरोधात खोटी तक्रार दिली होती. त्यानुसार शेजाऱ्याला अटक करुन पोलीस त्याची चौकशी करत होते. खरंतर शेजाऱ्याचं याप्रकरणात काहीच घेणंदेणं नव्हतं. सपना हिनं एका बाजूला स्वत:हून तक्रार दाखल करत स्वत:ला वाचवण्याचा प्रयत्न केला. तसंच तिच्या प्रियकरालाही पाठिशी घालण्याचे प्रयत्न केले. पोलिसांचं लक्ष या गोष्टीकडे जाणार नाही अशी काळजी ती घेत होती. 

पती ऋषभ याचा काटा काढण्यासाठी सपना हिनं आधी जवळच्या मेडिकल दुकानदाराशी मैत्री केली. त्याला जाळ्यात ओढलं आणि त्याच्याकडून औषधं घेतली. आशा मेडिकल स्टोअरचे मालक सुरेंद्र हे तिला वेळोवेळी औषधं पुरवत होते. पोलिसांनी आता सुरेंद्र यालाही अटक केली आहे. ऋषभला तिनं औषधांचा ओव्हरडोस देत त्याचा जीव घेतला.