प्रेशर कुकरपासून तयार झाली हत्येची रेसिपी; गर्लफ्रेंडवर संशय होताच केला THE END

वैष्णव आणि देवा दोघेही मार्केटिंग सेक्टरमध्ये होते, दोघे वेगवेगळ्या कंपनीत काम करत होते.

बंगळुरू – प्रेशर कुकरची सीटी सारखी वाजत राहते, एकाक्षणी ती घाबरवून टाकते. परंतु त्यादिवशी घरातील प्रेशर कुकरची सीटी वाजली नाही मात्र प्रेशर कुकर तिच्या हत्येचे कारण बनले. प्रेशर कुकरचा वापर जेवण बनवण्यासाठी केला जातो. परंतु त्यादिवशी तिच्या मृत्यूची रेसिपी तयार केली गेली. खून त्यानेच केला ज्याच्यावर मुलीने सर्वाधिक भरवसा ठेवला होता. प्रेशर कुकरने तिच्याच बेस्ट फ्रेंडला कायमचे संपवले.

ही घटना बंगळुरूची, परंतु घटनेचा संबंध केरळशी आहे. वैष्णव आणि देवा कॉलेजमध्ये एकमेकांना भेटले होते. केरळमध्ये एका कॉलेजमध्येच दोघे शिकायला होते. शिक्षण काळात त्यांची मैत्री झाली. हळूहळू नाते आणखी बहरू लागले. वेळही पुढे जात होती. दोघांना नोकरी केरळहून दूर असलेल्या बंगळुरू इथं लागली. नवीन शहर, नवीन नोकरी, परंतु वैष्णव आणि देवा एकमेकांना आधार देत होते. या दोघांची मैत्री आणखी घट्ट झाली.

वैष्णव आणि देवा दोघेही मार्केटिंग सेक्टरमध्ये होते, दोघे वेगवेगळ्या कंपनीत काम करत होते. दक्षिण बंगळुरूत दोघांनी एकच फ्लॅट घेतला आणि एकत्र राहू लागले. स्वत: जेवण बनवत, प्रेमाने एकमेकांसोबत राहत होते. लवकरच दोघे लग्न करणार होते. कुटुंबालाही दोघांच्या नात्याची कल्पना होती. २४ वर्षीय देवा तिरुवनंतपुरमला राहणारी होती. तर वैष्णवचं कुटुंब कोवलम इथे राहत होते. हे दोघेही एकत्र राहत होते हेदेखील कुटुंबाला ठाऊक होते.

लग्नाचा विचार अन् नात्यात सुरू झालं भांडण

वेळ निघून जात होता. ल्विह इन रिलेशनशिपमध्ये राहून दोघांना ३ वर्ष झाली होती. परंतु काही काळाने दोघांमध्ये वारंवार भांडण होऊ लागले. जे मित्र घरी येऊन एकमेकांसोबत आनंदाने राहायचे आता त्यांच्या वाद सुरू झाले. शेजाऱ्यांनाही त्यांच्या भांडणाची माहिती झाली, मुलीच्या ओरडण्याचा आवाज सारखा बाजूच्या फ्लॅटधारकांना ऐकायला जायचा.

वैष्णवच्या डोक्यात संशयाने घर केले होते. देवाचे अन्य कुणासोबत लफडं सुरू आहे असं त्याला वाटत होते. त्यावरूनच या दोघांमध्ये वादाची ठिणगी पडली. परंतु या भांडणाने इतकं भयंकर रुप घेतले की ज्याचा कुणी अंदाजही लावला नसेल. शनिवारी दोघेही घरीच होते. किचनमध्ये प्रेशर कुकर होता ज्यात भात शिजवला जायचा. संध्याकाळी ५ ची वेळ होती. वैष्णवच्या डोक्यात संशयाचे भूत काहूर माजवत होता. त्याने रागाच्या भरात किचनमधील प्रेशर कुकर घेतला आणि देवाच्या डोक्यात मारला. तो तिच्या डोक्यात इतके वार करायला लागला जोवर तिचा मृत्यू होत नाही. इतक्या वर्षांची मैत्री, प्रेम आणि नाते विसरून देवाला कायमचं संपवायचं हा विचार त्याने केला आणि घडलेही तसेच. मुलीच्या हत्येनंतर तो फरार झाला. परंतु पोलिसांनी तपासात आरोपी वैष्णवला अटक केली. गर्लफ्रेंडवर संशय असल्याने तिला संपवले अशी कबुली आरोपीने पोलिसांना दिली.