डॉक्टरच्या मृतदेहाजवळ सापडलेल्या डायरीत नेमकं काय होतं गुपित, २ पानं कोणी फाडली?

Kolkata Murder Case: कोलकाता येथील महिला ट्रेनी डॉक्टरसोबत घडलेल्या धक्कादायक घटनेला ९ दिवस उलटून गेले तरी अनेक प्रश्नांची उत्तरं कोणाकडेच नाहीत.

कोलकाता येथील महिला ट्रेनी डॉक्टरसोबत घडलेल्या धक्कादायक घटनेला ९ दिवस उलटून गेले तरी अनेक प्रश्नांची उत्तरं कोणाकडेच नाहीत. आता एका डायरीने या संपूर्ण प्रकरणाकडे पुन्हा एकदा लक्ष वेधून घेतलं आहे. कोलकाता पोलिसांनी एक डायरी सीबीआयकडे सोपवली आहे. ही डायरी महिला डॉक्टरसोबत घडलेल्या घटनेमध्ये महत्त्वाचा पुरावा मानली जात आहे.

पश्चिम बंगालची राजधानी कोलकाता येथे डॉक्टरवर झालेल्या अत्याचाराला ९ दिवस उलटले आहेत. मात्र तपास सुरूच आहे. यावरून राजकारण सुरू आहे. ना प्रश्न संपत आहेत ना आरोपांची यादी संपत आहे. आता एक डायरी आणि तिची फाटलेली पानं यामुळे डॉक्टरांसोबत घडलेल्या भयंकर घटनेचा सीबीआयचा तपास आणखी गुंतागुंतीचा झाला आहे.

कोलकाता पोलिसांनी एक डायरी सीबीआयकडे सोपवली आहे. मिळालेल्या माहितीनुसार, महिला डॉक्टरच्या मृतदेहाजवळ ही डायरी सापडली आहे. पोलिसांनी सीबीआयकडे सोपवलेल्या डायरीची काही पानं फाडलेली आहेत. आता प्रश्न असा आहे की, डॉक्टरांच्या मृतदेहाजवळ सापडलेल्या डायरीत नेमकी काय गुपितं लिहिली होती? डायरीची पानं फाडण्यामागचं कारण काय? 

ड्युटीवर असलेल्या डॉक्टरांकडे साधारणपणे डायरी असते असं सांगितलं जात आहे. ज्यावर औषधांची नावं आणि इतर महत्त्वाच्या गोष्टी लिहिल्या आहेत. परंतु मृत डॉक्टरची डायरी फाडलेली आढळल्याने पुराव्याशी छेडछाड झाल्याचा मुद्दा पुन्हा एकदा ठळक झाला आहे. मात्र, सीबीआय डायरीच्या अँगलबाबत जागरूक असून प्रत्येक बाजूने तपास करत आहे.

महिला डॉक्टरच्या मृतदेहाजवळून सापडलेली डायरी आणि तिची फाटलेली पानं यात काय गुपित आहे, हे सीबीआयच्या तपासातच उघड होईल. पण त्याआधी डॉक्टरच्या वडिलांचं म्हणणं आहे की, त्यांनी या डायरीसंदर्भात काही गोष्टी झी मीडियाशी शेअर केल्या आहेत. होय आम्हाला माहीत आहे. त्या पानांमध्ये काय होते याचा पुरावा आमच्याकडे आहे. पानं नाहीत पण फोटो आहे. आम्ही हे सांगणार नाही. आम्ही ते अद्याप सीबीआयला दिलेलं नाही. एकच पान आहे. सीबीआयने मागितल्यास आम्ही ते देऊ.