खळबळजक! 25 वर्षीय तरुणीशी 5 महिन्यांपूर्वी लग्न करणाऱ्या 45 वर्षांच्या व्यक्तीची आत्महत्या

Crime News : 25 वर्षीय तरुणीशी लग्न करणाऱ्या 45 वर्षांच्या व्यक्तीने आता टोकाचं पाऊल उचललं आहे. आत्महत्या करून जीवन संपवलं.

नवी दिल्ली - लग्न ही प्रत्येकाच्या आयुष्यातील एक महत्त्वाची गोष्ट आहे. काही लोक प्रेमासाठी काय पण करायला देखील तयार असतात. असे असंख्य हटके किस्से हे नेहमीच समोर येतात. काही जण आपल्यापेक्षा वयाने खूप जास्त असलेल्या लोकांना सोबत लग्न करतात. तर काही कमी वयाच्या लोकांशी लग्नगाठ बांधतात. काही महिन्यांपूर्वी कर्नाटकमधील एका कपलची यासाठीच जोरदार चर्चा रंगली होती. कर्नाटकमध्ये एका 45 वर्षीय व्यक्तीने आपल्यापेक्षा तब्बल 20 वर्षांनी लहान असलेल्या एका 25 वर्षीय मुलीसोबत लग्न केलं होतं. 

20 वर्षीय लहान मुलीसोबत संसार थाटल्याने या लग्नाची तुफान चर्चा सर्वत्र होती. पण आता याप्रकरणी एक धक्कादायक माहिती समोर आली आहे. 25 वर्षीय तरुणीशी लग्न करणाऱ्या 45 वर्षांच्या व्यक्तीने आता टोकाचं पाऊल उचललं आहे. आत्महत्या करून जीवन संपवलं. मिळालेल्या माहितीनुसार, कर्नाटकच्या तुमकुर जिल्ह्यातील अक्कीमारी गावातील 45 वर्षांचा शंकराप्पाने 25 वर्षांच्या मेघनासोबत लग्न केलं. 5 महिन्यांपूर्वी म्हणजे ऑक्टोबर 2021 ला दोघांनी लग्न केलं. सोशल मीडियावर त्यावेळी त्यांच्या लग्नाचे फोटो आणि व्हिडीओ  व्हायरल झाले. 

कपल लग्नामुळे खूप प्रसिद्ध झाले. लग्नानंतरही हे कपल आपले फोटो सोशल मीडियावर शेअर करत होतं. पण आता लग्नाच्या 5 महिन्यांनंतर शंकराप्पाच्या मृत्यूची बातमी समोर आल्याने एकच खळबळ उडाली आहे. घरामागील गार्डनमध्ये शंकरप्पा मृतावस्थेत आढळला. पोलिसांनी त्याचा मृतदेह ताब्यात घेऊन पुढील तपास सुरू केला. त्याच्या मृत्यूचं कारण म्हणजे त्याची पत्नी आणि आईचं भांडण असल्याचं सांगितलं जातं आहे. मेघना चार महिन्यांची प्रेग्नंट आहे. एका इंग्रजी वेबसाईटने याबाबतचे वृत्त दिले आहे.