लग्नापूर्वीपासून प्रेम, तीन मुलांची आई प्रियकराच्या घरी पोहोचली; मागणी ऐकून घरचे शॉक झाले

नऊ वर्षांपूर्वी तिच्या आई-वडिलांनी तिचे लग्न दुसऱ्याशीच लावून दिले होते. लग्न झाले तरी दोघांतील प्रेमसंबंध तसेच राहिले. लग्नानंतर तिला तिच्या पतीसोबतच रहायचे होते, पण...

बिहारच्या सिवानमध्ये एका धक्कादायक प्रेमप्रकरणाचा खुलासा झाला आहे. एक विवाहित महिला तिच्या प्रियकराशी लग्न लावून देण्यावर अडून बसली आहे. या महिलेने आपल्या घरी नाही तर प्रियकराच्या घरी जाऊन हायव्होल्टेज ड्रामा केला आहे. तिला तिच्या प्रियकरासोबत रहायचे आहे. दोघांमध्ये खूप वर्षांपासून, लग्नाआधीपासूनच प्रेमसंबंध सुरु असल्याचा दावा तिने केला आहे. 

भगवानपुर हाट पोलीस ठाणे क्षेत्रातील हा प्रकार आहे. तीन मुलांची आई असलेली विवाहित महिला बदरजमी गावाच्या कमलेश महतोच्या घरी अचानक पोहोचली. सोबत दीड वर्षांचा मुलगा होता. तिने तिथेच ठाण मांडले आहे. प्रियकराशी लग्न करायचे असल्याची मागणी ती करत आहेत. यामुळे प्रियकरासह त्याचे कुटुंबीय घर बंद करून पळून गेले आहेत. 

महिलेच्या दाव्यानुसार तिचे आणि कमलेशचे लग्नापूर्वीपासून प्रेमसंबंध आहेत. मात्र, नऊ वर्षांपूर्वी तिच्या आई-वडिलांनी तिचे लग्न दुसऱ्याशीच लावून दिले होते. लग्न झाले तरी दोघांतील प्रेमसंबंध तसेच राहिले. लग्नानंतर तिला तिच्या पतीसोबतच रहायचे होते. मात्र, तेव्हा कमलेश तिला मोबाईलवर फोन करून बदनामी करण्याची धमकी देत होता. यामुळे लग्नाच्या नऊ वर्षांनंतरही त्याच्याशी शारिरीक संबंध ठेवले आहेत, असे तिचे म्हणणे आहे. 

मोठा मुलगा आठ वर्षांचा आहे, तर आणखी एक पाच वर्षांची मुलगी आहे, असे तिचे म्हणणे आहे. १७ नोव्हेंबरला कमलेश तिच्या सासरी आला आणि भेटण्यासाठी बोलवले होते. ती आडोशाला त्याला भेटायला गेली होती, तेव्हा आजुबाजुच्या लोकांनी तिला त्याच्यासोबत पाहिले आणि पकडून धुलाई करत पोलिसांच्या ताब्यात दिले. दुसऱ्या दिवशी प्रकरणा मिटवून त्याला सोडण्यात आल्याचे, तिने म्हटले आहे. आता पकडले गेल्याने सासरचे आणि माहेरचेही घरात घेत नाहीएत. यामुळे मला कमलेश सोबत लग्न करायचे असल्याचे तिने म्हटले आहे.