आजीच्या प्रेमात प्रियकरानं ३ वर्षाच्या मुलीचा काटा काढला; बलात्कार करुन केली हत्या

Rape And Murder Case: या प्रकरणाचा खुलासा करत नोएडा पोलिसांनी आरोपी हेमंत (५५) याला अटक केली आहे. आरोपी हा खानपूर, बुलंदशहर येथील रहिवासी आहे.

आजीच्या प्रियकराने तीन वर्षांच्या मुलीची हत्या केली होती. ती चिमुरडी प्रेमप्रकरण आणि लग्नात अडथळे होती. आरोपीने मुलीवर बलात्कार करून तिची विटा आणि दगडाने ठेचून हत्या केली होती. या प्रकरणाचा खुलासा करत नोएडा पोलिसांनी आरोपी हेमंत (५५) याला अटक केली आहे. आरोपी हा खानपूर, बुलंदशहर येथील रहिवासी आहे. या प्रकरणात आजीची भूमिकाही तपासली जात आहे. अटक करण्यात आलेल्या आरोपीला सोमवारी न्यायालयात हजर करण्यात आले. तेथून त्यांची न्यायालयीन कोठडीत रवानगी करण्यात आली.

नोएडा सेंट्रल डीसीपी हरीश चंदर यांनी सांगितले की, मुलीचा मृतदेह २८ डिसेंबर रोजी कोतवाली फेज-2 परिसरातील इलाबन्स गावात एका बांधकाम सुरू असलेल्या (निर्माणाधीन) घरात सापडला होता. चिमुकलीच्या आजीने (५०) २५ डिसेंबर रोजी नातं बेपत्ता झाल्याची तक्रार पोलीस ठाण्यात दाखल केली होती. या प्रकरणाची चौकशी केली असता एक खळबळजनक खुलासा समोर आला. तपासानंतर पोलिसांनी सोमवारी हेमंतला अटक केली. डीसीपीने सांगितले की, हेमंत हा गुन्हेगारी प्रवृत्तीचा असून तो भाजीपाल्याची गाडी लावतो. मुलीचे वडील तुरुंगात असून आई तिला सोडून माहेरी गेली. चिमुकली आजीकडे राहते.

येथे मुलीची आजी आणि आरोपी हेमंत यांच्यात जवळीक वाढली होती आणि एकमेकांशी प्रेमसंबंध सुरू होते. हेमंत त्यांच्या घरी जात असे. हेमंतने प्रेमसंबंध व लग्नात अडथळे आणत असल्याचे समजून ३ वर्षाच्या मुलीचा वीट व दगडाने ठेचून खून केला होता. खून केल्यानंतर पुरावा नष्ट करण्याच्या उद्देशाने मृतदेह इमारतीत पडलेल्या प्लायमध्ये लपवून ठेवण्यात आला होता.

बेपत्ता असल्याची तक्रार आजीने केली होती

वडील तुरुंगात गेल्यावर आणि आईने माहेर सोडल्यानंतर तीन वर्षांच्या मुलीसाठी आजीच सर्वस्व होती. मात्र, खून प्रकरणात आजीची भूमिका संशयास्पद आहे. त्याची चौकशी सुरू आहे. मुलगी बेपत्ता झाल्याची फिर्याद आजीने दिली होती.

तीन पथकांनी ७५ हून अधिक लोकांची चौकशी केली

मुलीचा मृतदेह सापडल्यानंतर तपासासाठी तीन पथके तयार करण्यात आली. पोलीस पथकाने मृत मुलीची आई, आजी यांच्यासह कुटुंबातील ७५ हून अधिक जणांची चौकशी केली होती. तुरुंगात डांबलेल्या वडिलांचीही चौकशी करण्यात आली. या तपासादरम्यान एका व्यक्तीचे मुलीच्या आजीसोबत प्रेमसंबंध असल्याचे निष्पन्न झाले.

अटक करण्यात आलेल्या आरोपीवर ९ गुन्हे दाखल 

अटक आरोपी हेमंतवर नऊ गुन्हे दाखल आहेत. यामध्ये मसुरी पोलीस ठाण्याच्या हद्दीतील दरोडा, बुलंदशहर कोतवालीमधील चोरी अशा इतर कलमांन्वये नोंद आहे. आरोपी फेज दोन परिसरात राहून ओळख लपवून भाजीची गाडी लावत असल्याचे सांगण्यात येत आहे.