माणगाव हादरले... औषध विक्रेत्यावर सिने स्टाईल गोळीबार, उपचारासाठी मुंबईला हलवले
By ऑनलाइन लोकमत | Published: February 12, 2022 11:41 AM2022-02-12T11:41:51+5:302022-02-12T11:42:37+5:30
जखमीला अधिक उपचारासाठी मुंबईला हलवले,माणगाव शहर हादरले
माणगाव हादरले... औषध विक्रेत्यावर सिने स्टाईल गोळीबार, उपचारासाठी मुंबईला हलवले
Next रायगड : माणगाव येथील औषध विक्रेत्यावर सिने स्टाईलने मोटार सायकलवर येऊन दोन अज्ञातांनी गोळीबार केल्याची घटना मध्यरात्रीच्या सुमारास घडली. शुभम जयस्वाल (वय 24) असे गोळीबार झालेल्या तरुणाचे नाव असूनत्याच्या पोटात गोळी लागली आहे. जखम गंभीर असल्यानेअधिक उपचारांसाठी मुंबईत हलविले आहे. याबाबत माणगाव पोलीस ठाण्यात गुन्हा नोंद झाला असून पुढील तपास पोलीस करीत आहे. मात्र हा हल्ला का झाला याबाबत कारण अस्पष्ट आहे.
माणगाव शहरात शुभम जयस्वाल याचे औषध विक्री दुकान आहे. शुक्रवार ता. 11 फेब्रुवारी रोजी नेहमीप्रमाणे शुभम याने दुकान बंद करून मध्यरात्री घरी जाण्यास निघाला. यावेळी पल्सर मोटर सायकलवरून दोन अज्ञात व्यक्ती आलल्या, पत्ता विचारण्यासाठी त्याला थांबवले. याचवेळी मागे बसलेल्या मोटर सायकल स्वाराने शुभमच्या पोटावर पिस्तुल रोखुन गोळी झाडली. यामध्ये शुभम गंभिर जखमी झाला. हा हल्ला माणगाव मधील कचेरी रस्त्यावर झाला. या हल्याने माणगाव शहर चांगलेच हादरले आहे.