घराच्या अंगणात झोपला होता तरूण, रात्रीच्या अंधारात कुणीतरी कापून घेऊन गेलं त्याचा प्रायव्हेट पार्ट

Man's Private Part Cut : भरपूर रक्त वाहून गेल्यानंतरही तरूण आता स्थिर आहे. त्याच्यावर मेदिनी राय मेडिकल कॉलेज हॉस्पिटलमध्ये गेल्या तीन दिवसांपासून उपचार सुरू आहेत.

झारखंडच्या (Jharkhand) पलामू जिल्ह्यात एका  तरूणाचा प्रायव्हेट पार्ट कापण्यात (Man's Private Part Cut) आल्याची धक्कादायक घटना समोर आली आहे आश्चर्याची बाब म्हणजे प्रायव्हेट पार्टचा कापलेला भाग अजूनही सापडलेला नाही. भरपूर रक्त वाहून गेल्यानंतरही तरूण आता स्थिर आहे. त्याच्यावर मेदिनी राय मेडिकल कॉलेज हॉस्पिटलमध्ये गेल्या तीन दिवसांपासून उपचार सुरू आहेत. सूचना मिळताच पोलीस घटनास्थळी पोहोचले आणि त्यांची चौकशी सुरू केली.

ही घटना पलामू जिल्ह्याच्या रामगढ भागातील नावाडीह येथील आहे. शुक्रवारी म्हणजे 17 जूनला पीडित छत्तीसगढमध्ये झालेल्या एका लग्नातून परत आला होता आणि घराच्या अंगणातच तो झोपला होता. रात्री साधारण 11 ते 12 वाजता कुणीतरी तरूणाचा प्रायव्हेट पार्ट कापला. अचानक तो जागा झाला आणि त्याला रक्त वाहत असल्याचं दिसलं.

त्यानंतर कुटुंबियांनी त्याला हॉस्पिटलमध्ये दाखल केलं. प्राथमिक उपचारानंतर डॉक्टरांनी त्याला दुसऱ्या हॉस्पिटलमध्ये शिफ्ट केलं. त्यानंतर त्याला एमआरएमसीएचमध्ये भरती करण्यात आलं. गुप्तांग कुणी कापला याबाबत अजूनही काहीच माहिती समोर येऊ शकलेली नाही. पीडितच्या कुटुंबियांना संशय आहे की, हे काम त्याच्या पत्नीने तिच्या प्रियकरासोबत मिळून केलं असेल.

12 मे 2021 रोजी तरूणाचं लग्न गढवा जिल्ह्यातील चुटुरू गावात राहणाऱ्या तरूणीसोबत झालं होतं. तरूणीचं एका दुसऱ्या तरूणासोबत प्रेम प्रकरण सुरू होतं. घटनेनंतर पीडित तरूणाच्या पत्नीचा मोबाइल चेक करण्यात आला. तेव्हा समजलं की, घटनेच्या काही वेळाआधी रात्री 11 दरम्यान ती फोनवर कुणासोबत तरी बोलत होती. त्याच दिवशी सायंकाळी 4 वाजता तरूणीने त्याच नंबरवर फोन केला होता. पण तरूणाची पत्नी यावर काहीच बोलली नाही. ती पतीसोबत हॉस्पिटलमध्ये पोहोचली आहे.

तरूणावर उपचार करणारे डॉक्टर मकबूल आलम यांनी सांगितलं की, गुप्तांग कापण्यात आल्यावर बरंच रक्त वाहून गेलं. पाइपच्या माध्यमातून तरूणाची लघवी बाहेर काढली जात आहे. एखाद्या धारदार शस्त्राने तरूणाचं गुप्तांग कापण्यात आलं आहे. तेच तरूणाचं गुप्तांग कुणी कापलं हे पोलिसांना अजूनही समजलेलं नाही. आता कापण्यात आलेल्या पार्टचा शोध घेतला जात आहे.