समलैंगिक पार्टनरकडे जाण्यासाठी अडून बसली विवाहित महिला, सासरी गेलीच नाही...

Crime News : पोलिसांनी सांगितलं की, तरूणी विवाहित आहे. पण ती एकदाही तिच्या सासरी गेली नाही.

Crime News : उत्तर प्रदेशच्या (Uttar Pradesh) मथुरामध्ये मुलीच्या वागण्याला वैतागून आई-मुलाने आपल्या अंगावर ज्वलनशील पदार्थ टाकून स्वत:ला जाळून घेण्याचा प्रयत्न केला. ही घटना मंगळवारची आहे. इथे एका आईला मुलीच्या वागण्यामुळे आत्मदाह करण्याचा प्रयत्न करावा लागला. समलैंगिक असल्याचं सांगून विवाहित तरूणी आपल्या प्रेमाजवळ जाण्याच्या हट्ट करत होती. यादरम्यान पोलीस स्टेशनमध्ये हाय व्होल्टेज  ड्रामा झाला. पोलिसांनी कसंतरी प्रकरण शांत केलं.

नंदगाव येथील एका कॉलनीमध्ये राहणाऱ्या एका तरूणीने आपल्या वकिलाच्या माध्यमातून पोलिसांना एक निवेदन दिलं होतं. पोलिसांकडे तिने तिच्या परिवारापासून वेगळं होण्यासाठी एक निवेदन दिलं होतं. ज्यानंतर पोलीस तरूणीला पोलीस स्टेशनमध्ये घेऊन गेले. सोबतच तिचा भाऊ आणि आई सुद्धा आली. पोलीस स्टेशनमध्ये पोहोचल्यानंतर तरूणीच्या आईने आणि भावाने त्यांच्या अंगावर ज्वलनशील पदार्थ ओतला. हे बघून पोलीस हैराण झाले. पोलिसांनी लगेच त्यांच्याकडून माचिस आणि कॅन हिसकावून घेतली. ज्यानंतर दोघांना शांत करण्यात आलं.

पोलिसांनी सांगितलं की, तरूणी विवाहित आहे. पण ती एकदाही तिच्या सासरी गेली नाही. तरूणी गोरखपूरच्या एका तिच्याच वयाच्या मुलीच्या प्रेमात होती. तिने पोलिसांना सांगितलं की, ती समलैंगिक आहे आणि तिला तिच्या प्रेयसीकडे गोरखपूरला जायचं आहे. त्यासाठी तिने परिवारापासून वेगळं होण्याचं निवेदन दिलं. तरूणी म्हणाली की, तिला तिच्या परिवारासोबत रहायचं नाहीये. तिला जबरदस्ती सासरी पाठवलं जात आहे. तिला सासरी जायचं नाहीये.

पोलिसांनी तरूणीला खूप समजावण्याचा प्रयत्न केला. पण ती काहीच ऐकायला तयार नव्हती. परिवार तिला विरोध करत आहे. परिवारातील लोक म्हणाले की, ती तिचं आयुष्य उद्ध्वस्त करेल. पोलिसांनी सांगितलं की, आधीही याबाबत माहिती दिली गेली होती. पोलीस सगळ्यांना समजावण्याचा प्रयत्न करत आहे. नंतर कायदेशीर कारवाई केली जाईल.