खळबळजनक! मध्यरात्री नवी दिल्ली रेल्वे स्टेशनवर गँगरेप; घटना समजताच पोलीस हादरले

कॉलनंतर तातडीने जीआरपी आणि रेल्वे पोलिसचे अधिकारी घटनास्थळी पोहचले. त्याठिकाणी पीडित महिलेने संपूर्ण प्रकरण सांगितले.

नवी दिल्ली - देशाची राजधानी दिल्लीच्या रेल्वे स्टेशनवर सामुहिक बलात्काराची खळबळजनक घटना घडली आहे. ही घटना प्लॅटफॉर्मवरच झाल्याने प्रशासन खडबडून जागे झाले आहे. एका महिलेवर दोघांनी अतिप्रसंग केला. या घटनेत आतापर्यंत चौघांना अटक करण्यात आली आहे. त्यातील २ आरोपी मुख्य आरोपींना साथ देणारे आहेत. हे चारही जण रेल्वेचे कर्मचारी आहेत. 

सूत्रांनुसार, पीडित महिलेचे वय २८-३० मधील आहे. आरोपींपैकी एकाशी महिलेसोबत ओळख झाली होती. गुरुवारी-शुक्रवारी रात्री त्या आरोपीने पीडित महिलेला बहाणा करून रेल्वे स्टेशनवर भेटण्यास बोलावले. त्यानंतर आरोपींनी तिला नवी दिल्ली स्टेशनच्या प्लॅटफॉर्म नंबर ८-९ वर असलेल्या एका खोलीत घेऊन गेले. या खोलीचा वापर फुटओव्हर ब्रीजखाली असलेल्या इलेक्ट्रिक डिपार्टमेंट आणि अन्य कामासाठी होत होता. त्यात काही सामानही होते. 

मिळालेल्या माहितीनुसार, मुख्य आरोपीने त्याठिकाणी अन्य तीन जणांना बोलावले होते. हे सर्व आरोपी नशेत होते. ज्यांनी या महिलेला धमकावत तिच्यावर गँगरेप केला. या घटनेत २ आरोपींचा थेट संबंध असून इतर दोघांनी गुन्हेगारांची मदत केल्याप्रकरणी त्यांना पोलिसांनी अटक केली आहे. गुरुवारी रात्री १२.३० ते १.३० दरम्यान ही घटना घडली. पीडित महिलेला त्याच अवस्थेत टाकून चौघांनीही तिथून पळ काढला. त्यानंतर पीडित महिलेने मध्यरात्री २.३० वाजता पीसीआर कॉल केला. रेल्वे स्टेशनवर गँगरेप झाल्याच्या घटनेने पोलीस अधिकारी हादरले. 

कॉलनंतर तातडीने जीआरपी आणि रेल्वे पोलिसचे अधिकारी घटनास्थळी पोहचले. त्याठिकाणी पीडित महिलेने संपूर्ण प्रकरण सांगितले. हा गँगरेप करणाऱ्यांमध्ये मुख्य आरोपी रेल्वेचा कर्मचारी असल्याचं जीआरपीला कळालं. त्यानंतर नवी दिल्ली रेल्वे स्टेशन पोलिसांनी तपास करत मुख्य आरोपीला जेरबंद केले. त्याची चौकशी केल्यानंतर इतर ३ आरोपींनाही अटक करण्यात आली. पकडलेले सर्व आरोपी हे रेल्वे कर्मचारी आहे. पोलीस या घटनेचा तपास करत आहेत. हे चारही आरोपी नशेत होते. ते रेल्वेच्या इलेक्ट्रिक डिपार्टमध्ये काम करणारे कर्मचारी आहेत.