धक्कादायक! अल्पवयीन मुलास सिगारेटचे चटके देत लैंगिक अत्याचार
By ऑनलाइन लोकमत | Published: May 30, 2021 06:34 AM2021-05-30T06:34:05+5:302021-05-30T06:35:02+5:30
काही ना काही बहाण्याने सावरे मुलाला घरी बोलावून घेत होता व लैंगिक अत्याचार करीत होता. तसेच त्याने त्याला सिगारेटचे चटके दिले.
धक्कादायक! अल्पवयीन मुलास सिगारेटचे चटके देत लैंगिक अत्याचार
Next कल्याण : डोंबिवलीत राहणाऱ्या एका अल्पवयीन मुलावर लैंगिक अत्याचार करणाऱ्या सदाशिव सावरे या आरोपीस रामनगर पोलिसांनी अटक केली. सावरे हा मुलावर लैंगिक अत्याचार करताना त्याला सिगारेटचे चटके देत होता. तसेच त्याने मुलाच्या आईलाही मारहाण केली होती.
डोंबिवलीत राहणारा पंधरा वर्षीय मुलगा गेले दोन दिवस घरी आला नाही. दोन दिवसांनी तो घरी परतला. त्यावेळी त्याच्या आईने त्याची विचारपूस केली. त्यावेळी मुलगा प्रचंड तणावाखाली असल्याचे तिला जाणवले. अधिक विचारपूस केली तेव्हा मुलाने जो प्रकार आईला सांगितला त्याने तिला धक्काच बसला. सावरे याने मुलास दोन दिवस कोंडून ठेवत लैंगिक अत्याचार केला होता.
काही ना काही बहाण्याने सावरे मुलाला घरी बोलावून घेत होता व लैंगिक अत्याचार करीत होता. तसेच त्याने त्याला सिगारेटचे चटके दिले. या कृत्याचा जाब विचारण्याकरिता सावरेकडे गेलेल्या मुलाच्या आईला त्याने मारहाण केली. मुलाच्या आईने रामनगर पोलीस ठाण्यात धाव घेत सावरेविरुद्ध गुन्हा दाखल करताच पोलिसांनी त्याला अटक केली आहे.या घटनेमुळे शहरात खळबळ उडाली आहे.