3 मुलींची आई 5 मुलांचा पिता असलेल्या पुरूषाच्या पडली प्रेमात, उचललं असं पाउल पूर्ण शहरात रंगली चर्चा

Crime News : साधारण 4 दिवस शोधाशोध घेतल्यानंतर त्यांचा पत्ता लागला नाही तर महिलेच्या कुटुंबियांनी पोलिसात तक्रार दाखल केली. धक्कादायक बाब म्हणजे महिला ज्या प्रियकरासोबत पळून गेली तो 5 मुलांचा पिता आहे. 

Crime News : दररोज अनैतिक संबंधातून पळून गेलेल्या लोकांच्या अजब-अजब घटना समोर येत असतात. पण सध्या राजस्थानमधील अशाच एका घटनेची जोरदार चर्चा रंगली आहे. या घटनेबाबत वाचून लोक हैराण झाले आहेत. सीकर शहरात राहणाऱ्या एका विवाहित महिला आपल्या तीन मुलींना घेऊन प्रियकरासोबत फरार झाली. साधारण 4 दिवस शोधाशोध घेतल्यानंतर त्यांचा पत्ता लागला नाही तर महिलेच्या कुटुंबियांनी पोलिसात तक्रार दाखल केली. धक्कादायक बाब म्हणजे महिला ज्या प्रियकरासोबत पळून गेली तो 5 मुलांचा पिता आहे. 

मिळालेल्या माहितीनुसार, सीकर शहरात राहणारी 38 वर्षीय एक विवाहित महिलेला शेजारी राहणारा मुकेश नायक नावाची व्यक्ती पळवून घेऊन गेला. विवाहितेसोबत तिच्या तीन मुली ज्यांचं वय 17, 12 आणि 5 आहे त्या सुद्धा गेल्या आहेत. 

कुटुंबियांनी याबाबतची तक्रार पोलिसात दिली होती. पण कोणतीही कारवाई झाली नाही तेव्हा कुटुंबिय बुधवारी पोलीस अधीक्षकाच्या ऑफिसमध्ये पोहोचले आणि एसपीना त्यांनी सगळी घटना सांगितली. कुटुंबियांनी सांगितलं की, ज्या मुकेशसोबत विवाहित महिला गेली आहे तो 5 मुलांचा पिता आहे. अशात त्याला पोलिसांनी लगेच अटक करावी आणि विवाहितेला त्याच्या तावडीतून सोडवावं. कुटुंबिय म्हणाले की, त्यांना मुलींची चिंता सतावत आहे. त्यांच्यासोबत तो काहीही करू शकतो.

ज्या मुकेश नायकसोबत विवाहित महिला गेल्याचं समोर आलं तो एका नेत्याचा मुलगा असल्याचं सांगण्यात येत आहे. कुटुंबियांनी सांगितलं की, राजकीय वजन असल्याने पोलीस याप्रकरणी त्याच्यावर कारवाई करत नाहीयेत. तर पोलीस अधीक्षक करण शर्मा यांनी कुटुंबियांना सांगितलं की, पोलिसांची एक टीम यावर काम करत आहे आणि लवकरच विवाहित महिलेला कुटुंबियांकडे सोपवलं जाईल. पोलीस सध्या चौकशी करत आहेत.