दोन मुलांची आई १० वर्षांनी लहान दिराच्या प्रेमात पडली, त्यानंतर झाडाला लटकलेल्या अवस्थेत मिळाले दोघांचे मृतदेह

Crime News: एक महिला आणि एका पुरुषाचा मृतदेह झाडाला लटकलेल्या अवस्थेत मिळाल्याने खळबळ उडाली. या दोघांमध्ये दीर आणि वहिनीचे नाते होते.

रायपूर - छत्तीसगडमधील सूरजपूरमध्ये एक महिला आणि एका पुरुषाचा मृतदेह झाडाला लटकलेल्या अवस्थेत मिळाल्याने खळबळ उडाली. या दोघांमध्ये दीर आणि वहिनीचे नाते होते. दरम्यान, मिळालेल्या माहितीनुसार ही महिला तिच्यापेक्षा १० वर्षांनी लहान असलेल्या दिराच्या प्रेमात पडली होती. दोघांनीही प्रेमप्रकरणातून समाजात बदनामी होईल म्हणून गळफास घेतला. पोलिसांनी मृतदेह ताब्यात घेऊन पोस्टमार्टेमसाठी पाठवले आहेते. मृत महिला ही दोन मुलांची आई होती. (The mother of two Child fell in love with a young brother-in-law, after which their bodies were found hanging from a tree)

ही घटना मंगळवारी सकाळी रामानुजनगर पोलीस ठाणे क्षेत्रात घडली. मिळालेल्या माहितीनुसार मंगळवारी सकाळी महुआच्या झाडावर महिला आणि पुरुषांचा मृतदेह लटकलेले असल्याची माहिती पोलिसांना मिळाली. पोलिसांनी घटनास्थळी पोहोचून तपास सुरू केला. मृत महिलेचे नाव अनिता सिंह (३२) तर पुरुषाचे नाव शिवा सिंह (२२) असे असल्याचे तपासान उघड झाले. अनिता ही सोमवारी रात्री घरातून काही काम असल्याचे सांगून बाहेर पडली. पण माघारी आली नाही. त्यानंतर कुटुंबीयांनी रात्रभर तिचा शोध घेतला. मात्र ती सापडली नाही. त्यानंतर मंगळवारी सकाळी कुणीतरी तिचा मृतदेह झाडाला लटकलेला असल्याचे दिसून आले.

मिळालेल्या माहितीनुसार अनिता आणि शिवा यांच्यात प्रेमप्रकरण सुरू होते. मात्र ही बाब लपून राहिली नाही. त्यांच्यातील प्रेमप्रकरणाची गावभर चर्चा सुरू झाली. त्यांच्यामध्ये अनैतिक संबंध असल्याचे गावातील लोकांना माहिती झाले होते. ही बाबत त्यांच्या घरातल्यांना खटकत होती. अनिता ही शिवापेक्षा दहा वर्षांनी मोठी होती. तसेच तिला दोन मुलेही होती. त्यामुळेच या दोघांनी गळफास घेऊन आत्महत्या केली. पोलिसांच्या म्हणण्यानुसार प्राथमिकदृष्ट्या हा प्रकार प्रेम प्रकरणाचाच वाटत आहे. आता पुढील तपास सुरू आहे. आता पोस्टमार्टमचा रिपोर्ट आल्यानंतर पुढील कारवाई केली जाईल.