९ वर्षाच्या मुलासोबत आईनं बनवलं संबंध, नंतर मावशीनेही...; नकार दिल्यावर दिले चटके

मुलाच्या डायरीमुळे प्रकार उघडकीस, पोलिसांनी केला गुन्हा नोंद

मुंबई – एखादी आई त्याच्या लहान मुलाचं लैंगिक शोषण करेल याची कुणीही कल्पना करू शकत नाही. या महिलेने स्वत:च्या मुलासोबत अनैसर्गिक संबंध बनवले. मुंबईत ही धक्कादायक घटना घडली आहे. इथं महिलेने प्रियकरासोबत मिळून स्वत:च्या मुलाला इतकं टॉर्चर केले की हा मुलगा ट्रॉमामध्ये गेला. आता ५ वर्षीय मुलाची डायरी त्याच्या वडिलांच्या हाती लागली तेव्हा या प्रकाराचा खुलासा झाला. वडिलांच्या तक्रारीनंतर मुंबई पोलिसांनी आरोपी आई, तिची बहीण आणि प्रियकराविरोधात गुन्हा दाखल केला आहे.

पोलिसांनी आरोपी आईला अटकही केली आहे. तर तिचा प्रियकर आणि बहिणीचा शोध घेतला जात आहे. पोलिसांच्या माहितीनुसार, मुंबई उपनगरात ही घटना घडली. मुलाच्या वडिलांनी दिलेल्या तक्रारीत म्हटलंय की, लग्नाच्या १ वर्षानंतर आम्हाला मुलगा झाला. मुलगा आता ४ वर्षाचा आहे. माझी पत्नी माझ्यापासून वेगळी राहते. ती रागाच्या भरात मुंबई सोडून तिच्या वडिलांच्या गावी राहायला गेली. माझ्या मुलाची तब्येत खराब असल्याचे मला कळाले. तेव्हा मी तिथे गेलो आणि मुलाला रुग्णालयात दाखल केले.

मुलगा आजारी कसा पडला याचे कारण जाणून घेण्यासाठी मी मुलाला विश्वासात घेतले. परंतु आईच्या अत्याचाराने भयभीत असलेल्या मुलाने काहीच सांगितले नाही. परंतु मला मुलाकडची डायरी सापडली. ज्यात मुलाने त्याच्यावर झालेल्या अत्याचाराबद्दल लिहिलं होते. ही डायरी वाचून मला धक्का बसला. त्यानंतर वडिलांनी पोलीस ठाण्यात तक्रार दिली. मुलाने डायरीत लिहिलं होतं की, जेव्हा मी चौथीच्या वर्गात होतो तेव्हा माझ्या आईचे एका व्यक्तीसोबत प्रेम प्रकरण सुरू होते. दोघे नेहमी एकमेकांसोबत संबंध ठेवायचे. त्यावेळी आई आणि त्या व्यक्तीने जबरदस्ती माझेही शोषण केले. इतकेच नाही तर जेव्हा आईची बहीण तिला संधी मिळायची तेव्हा तीदेखील माझे लैंगिक शोषण करत होती.

मी या गोष्टीचा विरोध करायचो तेव्हा मला चटके दिले जायचे. पीडित मुलाच्या वडिलांनी सांगितले की, माझा मुलगा १३ वर्षाचा आहे. परंतु जेव्हा त्याचे लैंगिक शोषण झाले तेव्हा तो ९ वर्षाचा होता. पोलिसांनी तक्रारीवरून पॉक्सो अंतर्गत या प्रकरणी गुन्हा दाखल केला आहे. सध्या आरोपी आईला अटक केली आहे. प्रियकर आणि बहिणीचा शोध घेतला जात आहे. लवकरच त्या दोघांनाही अटक करू अशी माहिती पोलिसांनी दिली.