विवाहितचे आक्षेपार्ह फोटो केले व्हायरल; रिक्षाचालकाला अटक, मुंबईतील चारकोपमधील प्रकार

तायडे हा भाब्रेकरनगर परिसरात राहत असून, त्याचे काही महिन्यांपूर्वी त्याच्याच परिसरात राहणाऱ्या विवाहितेसोबत प्रेमसंबंध होते.

मुंबई- विवाहितेचे आक्षेपार्ह फोटो सोशल मीडियावर व्हायरल करण्याचा प्रकार सोमवारी चारकोप परिसरात उघड झाला. याप्रकरणी तक्रार दाखल केल्यानंतर पोलिसांनी एका २७ वर्षीय रिक्षाचालकाला अटक केली आहे. विशाय तायडे असे अटक करण्यात आलेल्या आरोपीचे नाव आहे. 

तायडे हा भाब्रेकरनगर परिसरात राहत असून, त्याचे काही महिन्यांपूर्वी त्याच्याच परिसरात राहणाऱ्या विवाहितेसोबत प्रेमसंबंध होते. त्यानूसार त्यांच्यात शारीरिक संबंधही प्रस्थापित झाले. त्यावेळी त्याने तिच्यासोबतचे जवळपास ३० फोटो काढले होते. काही महिन्यांनी याबाबत तिच्या पतीला समजल्यावर त्याचे बायकोशी भांडण झाले आणि तिने तायडेसोबतचे संबंध तोडून टाकले. 

पोलिसांनी दिलेल्या माहितीनूसार, गेल्या सहा महिन्यांपासून तायडे हा तिला तेच फोटो व्हायरल करण्याची धमकी देत शरीरसुखाची मागणी करत होता. त्याला तिने नकार दिला. अखेर तायडेने सदर फोटो सोशल मीडियावर व्हायरल केले. ही बाब पीडितेला समजली. तिने चारकोप पोलीस ठाण्यात गुन्हा दाखल केला. संबंधित कलमांर्तगत गुन्हा दाखल करत त्याला अटक केली.