चोर समजून केलेल्या मारहाणीत एकाचा मृत्यू, पाचजण ताब्यात

खरंच या हत्येमागे आणखी कोणते कारण आहे याबाबत तपास पोलीस करत आहेत.

ठळक मुद्देजोंगोल लोहरा (४८) असं मृत व्यक्तीचे नाव आहे.सीसीटीव्हीच्या साहाय्याने पोलिसांनी अर्ध्या तासात हत्येचा उलगडा केला.

कल्याण - चोर समजून हातपाय बांधून जबर मारहाण केलेल्या एका व्यक्तीचा मृत्यू झाल्याची दुःखद घटना कल्याण स्थानकासमोर भाजी मार्केट परिसरात मंगळवारी पहाटे घडली. जोंगोल लोहरा (४८) असं मृत व्यक्तीचे नाव आहे. याप्रकरणी महात्मा फुले पोलिसांनी पाच जणांना ताब्यात घेतले आहे.

कल्याण पश्चिम येथील भाजी मार्केटमध्ये मंगळवारी सकाळी हातपाय बांधलेल्या अवस्थेत हा मृतदेह आढळला. या व्यक्तीची हत्या झाल्याचे प्राथमिक तपासात दिसून आले आहे. सीसीटीव्हीच्या साहाय्याने पोलिसांनी अर्ध्या तासात हत्येचा उलगडा केला. संदेश जाधव आणि राजू झिबऱ्या या आरोपींसह एकूण पाच जणांना ताब्यात घेतले. जोंगोल हा संदेश आणि राजू या दोघांना तो चोर असल्याचा संशय आला. या दोघांनी त्याचे हातपाय बांधून त्याला मारायला सुरुवात केली आणि अन्य तिघांनाही त्यांनी मारायला सांगितले. झालेल्या जबर मारहाणीत जोंगोल याचा मृत्यू झाला. चोरीच्या संशयातून जोंगोलची हत्या करण्यात आली की खरंच या हत्येमागे आणखी कोणते कारण आहे याबाबत तपास पोलीस करत आहेत.