नाद खुळा! पोलिसांनीच टाकली ED च्या कार्यालयात धाड; अधिकाऱ्यालाही अटक

ईडीच्या उपविभागीय कार्यालयात धाड टाकली आहे.

मदुरै - तामिळनाडूच्या मदुरै येथील अमंजलबजावणी संचालनालय म्हणजे ईडीच्या एका अधिकाऱ्यास २० लाख रुपयांची लाच घेतल्याप्रकरणी अटक करण्यात आलीय. या अधिकाऱ्याने एका सरकारी डॉक्टरशी संबंधित प्रकरणात बेहिशोबी मालमत्तेचा तपास करत होता. अंकित तिवारी असं या ईडीच्या अधिकाऱ्याचं नाव असून त्याने डॉक्टराकडे तब्बल १ कोटी रुपयांच्या लाचेची मागणी केली होती. या अटकेनंतर तामिळनाडूच्या लालचुचपत प्रतिबंधन विभागाच्या पोलिसांनी थेट मदुरै येथील ईडीच्या उपविभागीय कार्यालयात धाड टाकली आहे. आत्तापर्यंत ईडीचे अधिकारी अनेकांच्या घरी धाड टाकत होते, मात्र आता ईडीच्या कार्यालयात धाड टाकल्याने जोरदार चर्चा होत आहे.

ईडी अधिकाऱ्याच्या भ्रष्टाचार प्रकरणी तपास करण्यासाठी येथील दक्षता आणि भ्रष्टाचार निर्मूलन पथकाने विभागीय कार्यालयावर पोलिसांसह धाड टाकली. या पथकाने ईडीच्या संबंधित अधिकाऱ्याला अटक केली असून अंकित तिवारी असं त्याचं नाव आहे. लवकरच यासंदर्भात अधिकृत माहितीही पोलिसांकडून दिली जाईल. अंकित तिवारी एका वेगवाग कारमधून प्रवास करत होता, त्यावेळी, पोलिसांनी पाठलाग करुन त्याला अटक केली. अंकित तिवारीला रंगेहाथ अटक करण्यासाठी भ्रष्ट्राचार निर्मून पथकाने जाळं टाकलं होतं. स्टेट हायवेवरील एक ड्रॉप ऑफ पाईंटवर अंकित तिवारीने संबंधित प्रकरणातील लाचेचा पहिला हफ्ता म्हणजेच २० लाख रुपये घेतले. त्याचवेळी, भ्रष्टाचार निर्मून पथकाने घटनास्थळी रेड मारली अन् ईडीच्या अधिकाऱ्याला अटक केली.

#WATCH | Security officials at the ED sub-zonal office in Madurai locked the office after Tamil Nadu Directorate of Vigilance and Anti-Corruption (DVAC) officials left following searches here in connection with the case involving ED officer Ankit Tiwari, who was caught red-handed… https://t.co/6OCwm9FvQPpic.twitter.com/hx5BlR5aba

— ANI (@ANI) December 2, 2023

तामिळनाडूच्या इतिहासात पहिल्यांदाच एका ईडी अधिकाऱ्यावर अशाप्रकारे भ्रष्टाचार निर्मून पथकाच्या पोलिसांकडून कारवाई करण्यात आल्याची घटना घडली आहे. 

#UPDATE | Tamil Nadu Directorate of Vigilance and Anti-Corruption (DVAC) officials leave from the ED sub-zonal office in Madurai after conducting searches here in connection with the case involving ED officer Ankit Tiwari, who was caught red-handed while accepting a bribe of Rs… https://t.co/6Ygz1Vellqpic.twitter.com/nRmpsAye73— ANI (@ANI) December 2, 2023

विशेष म्हणजे तामिळनाडूतील राज्य सरकार आणि केंद्रीय तपास यंत्रणां यांच्यात ५ जिल्ह्यांच्या जिल्हाधिकाऱ्यांना नोटीस बजावल्याचा वाद सुरू असतानाच अशी कारवाई ईडीच्या अधिकाऱ्यावर करण्यात आली आहे. अवैध वाळू उत्खनन प्रकरणात कथित मनी लाँड्रींग प्रकरणी ही नोटीस बजावण्यात आली आहे. त्यामध्ये, मद्रास उच्च न्यायालयाने तीन आठवड्यांसाठी नोटीसला स्थगिती दिली आहे.