धक्कादायक! विवाहितेवर तिघांचा सामुहिक बलात्कार, अश्लील व्हिडीओ बनवला, पतीसह चौघांविरोधात गुन्हा दाखल

या प्रकरणी पोलिसांनी चौघानांही ताब्यात घेतलं आहे.

पतिसोबत वाद झाल्यानंतर महिला वेगळं राहू लागली. पतिला याच गोष्टीचा आणखी राग येतो. पती रागाच्याभरात आपल्या अन्य तीन मित्रांसोबत महिलेच्या घरी जातो, आरोपी पतीच्या मदतीने अन्य तिघेजण महिलेवर सामुहिक बलात्कार करतात. यानंतर आरोपी महिलेचा अश्लिल व्हिडीओ बनतात आणि व्हायरल करण्याची धमकी महिलेला देता. या प्रकरणी पोलिसांनी चौघांना ताब्यात घेतलं आहे. ही घटना हरियाणा येथील आहे. 

Atiq Ashraf Murder: 'आमच्या बाजारात गुंडगिरी केली तर गोळ्या घालू';अतिकची हत्या करणाऱ्या हल्लेखोरांबाबत पाच मोठे खुलासे

पोलिसांनी दिलेली माहिती अशी, एका महिलेने तक्रार दाखल केली आहे की, त्या महिलेचे लग्न २०१९ मध्ये होडल येथील एका तरुणाशी झाले होते. लग्नानंतर तिला मुलगा झाला. तिच्या पतीने हुंड्याची मागणी करत तिला मारहाण करत होता. वादामुळे ती पतीपासून विभक्त राहू लागली आणि तिने पतिविरोधात गुन्हा दाखल केला.

पीडित महिलेने सांगितले की, दुकडिया मोहल्ला येथील अनिल सैनी यांची मुले तिच्या मुलासोबत शाळेत शिकतात. अनिल सैनी हे तिच्या पतीला ओळखतात. शाळेत जाताना तिला अनेकदा भेटायचे. दीड महिन्यापूर्वी अनिलने पतीसोबत तडजोड करून घर सोडणार असल्याचे सांगितले. त्यासाठी त्याला तांत्रिकाकडे जावे लागते असं सांगितलं. ती त्याच्या मोहात पडली आणि ती सोबत जायला हो म्हणाली. 

समिती चौकात अनिलने त्यांची कारमधून भेट घेतली. त्याच्यासोबत आणखी एक व्यक्ती होती. ती आपल्या मुलासोबत कारमध्ये बसली. वाटेत अनिलने तिला कोल्ड्रिंक पाजले, त्यानंतर ती बेशुद्ध झाली. त्यानंतर आरोपींनी तिला कक्राळी येथील एका घरात नेले, तेथे तिसरा व्यक्तीही उपस्थित होता.

तिन्ही आरोपींनी तिथे तिच्यावर सामूहिक बलात्कार केला आणि अश्लील व्हिडिओही काढला. पतीला घटस्फोट दिला नाही तर अश्लील व्हिडिओ इंटरनेटवर व्हायरल करू, अशी धमकीही आरोपींनी तिला दिली. १२ एप्रिल रोजी आरोपीने फोनवर व्हिडिओ पाठवून घटस्फोटासाठी दबाव टाकला. अखेर तिने पोलिसात गुन्हा दाखल केला. पोलिसांनी तक्रारीच्या आधारे गुन्हा दाखल करून कारवाई सुरू केली आहे.