३ बायका फजिती ऐका! मुलानं 'पप्पा' म्हणून हाक मारताच पठ्ठ्याचं सगळं बिंग फुटलं, त्यानंतर जे घडलं...

पटनाच्या पोठही गावात राहणाऱ्या संजय कुमार पासवानचा भांडाफोड झाला आहे. या पठ्ठ्याला लग्नाची इतकी हौस की त्याने आतापर्यंत ३ लग्न केली आहेत.

ठळक मुद्दे आरोपी युवकाचं पहिलं लग्न काशीनगरच्या धनरूआ येथील बेबी देवीसोबत झालं. त्याला पहिल्या पत्नीपासून ३ मुलं आहेतदुसरं लग्न ममता नावाच्या एका महिलेसोबत झालं. तिला एक मुलगा आहेतिसरी बायको पुष्पा कुमारी हिला नवऱ्याच्या काही हालचालींवर संशय निर्माण झाला आणि तिने त्याचा पाठलाग केला

पटना -  या जगात अनेक प्रकारचे शौकीन लोक राहतात. कोणाला फॅशनची आवड असते तर कोणाला कारची. प्रत्येकाला काही ना काही आवडत असतं. परंतु तुम्ही कधी ऐकलंय का? कोणत्या व्यक्तीला वारंवार लग्न करण्याचा छंद आहे. कदाचित नसेल परंतु पटनामध्ये अशीच एक घटना समोर आली आहे. ज्याठिकाणी त्या व्यक्तीने खोटं बोलून आणि फसवणूक करून अनेकांसोबत संबंध बनवले आहेत.

पटनाच्या पोठही गावात राहणाऱ्या संजय कुमार पासवानचा भांडाफोड झाला आहे. या पठ्ठ्याला लग्नाची इतकी हौस की त्याने आतापर्यंत ३ लग्न केली आहेत. आरोपी युवकाचं पहिलं लग्न काशीनगरच्या धनरूआ येथील बेबी देवीसोबत झालं. त्याला पहिल्या पत्नीपासून ३ मुलं आहेत. दुसरं लग्न ममता नावाच्या एका महिलेसोबत झालं. तिला एक मुलगा आहे. तर तिसरं लग्न पुष्पा कुमारी नावाच्या महिलेसोबत केले. हे तिन्ही लग्न खोटं बोलून आणि फसवणूक करून झालं. या तिन्ही पत्नींना वेगवेगळ्या ठिकाणी ठेऊन तो संसार करत होता याची कोणालाही भनक लागली नाही.

परंतु तिसरी बायको पुष्पा कुमारी हिला नवऱ्याच्या काही हालचालींवर संशय निर्माण झाला आणि तिने त्याचा पाठलाग करण्यास सुरूवात केली. पुष्पाने नवऱ्याचा पाठलाग केला आणि नवऱ्याचे बिंग फुटलं. पुष्पानं नवऱ्याला त्याच्या दुसऱ्या पत्नीसोबत रंगेहाथ पकडलं. प्रकरण वाढल्यानंतर पुष्पा कुमारीनं नवऱ्याच्या विरुद्ध पोलीस ठाण्यात जाऊन तक्रार केली. त्यानंतर पोलिसांनी या घटनेचा तपास केला असता आरोपीनं ३ लग्न केल्याचं धक्कादायक खुलासा समोर आला.

मिळालेल्या माहितीनुसार, जेव्हा आरोपी दुसरी बायको ममता देवीजवळ पोहचला तेव्हा तिसरी पत्नी पुष्पा कुमारी तिच्या मुलांसह त्याठिकाणी पोहचली. ममताचा मुलगा जेव्हा आरोपी संजयला पप्पा बोलला तेव्हा पुष्पाकुमारीला मोठा धक्काच बसला. सध्या पोलिसांनी आरोपी संजयला अटक केली आहे. न्यायालयात आरोपीला हजर केले असता त्यांनी आरोपीला जेलमध्ये पाठवलं आहे. पोलिसांनी आरोपीवर कलम ४२० अंतर्गत गुन्हा दाखल केला आहे. पोलीस सध्या संपूर्ण प्रकरणाचा तपास करत आहे.