MBA तरुणी पडली सहावी पास तरुणाच्या प्रेमात, लग्न केलं अन्...; लव्हस्टोरीचा भयंकर शेवट

पंजाब नॅशनल बँकेच्या एका महिला अधिकाऱ्याने आत्महत्या केल्याची धक्कादायक घटना घडली आहे.

राजधानी जयपूरमध्ये पंजाब नॅशनल बँकेच्या एका महिला अधिकाऱ्याने गळफास लावून आत्महत्या केल्याची धक्कादायक घटना घडली आहे. पतीने आत्महत्येनंतर पोलिसांना याबाबत माहिती दिली. पोलिसांना घटनास्थळावरुन एक सुसाईड नोटही सापडली आहे. ज्यामध्ये "पती माझा आणि मुलीचा तिरस्कार करतो. म्हणून मी वैतागून जाते आहे" असं म्हटलं आहे. मृतदेहाचे शवविच्छेदन करुन नातेवाईकांच्या ताब्यात दिला आहे. पोलीस या प्रकरणाचा अधिक तपास करत आहेत. 

मिळालेल्या माहितीनुसार, सुरभी कुमावत (30) असं आत्महत्या केलेल्या महिला बँक अधिकाऱ्याचं नाव आहे. ती पंजाब नॅशनल बँकेत मार्केटिंग मॅनेजर म्हणून काम करत होती. सुरभीने गळफास घेतल्याची माहिती तिच्या पतीनेच पोलिसांना दिली. नातेवाईकांनी पोलिसांना दिलेल्या माहितीनुसार. 2016 मध्ये सुरतभीचं लग्न झालं. तिने साहिद अलीसोबत प्रेम विवाह केला. कुटुंबीयांचा लग्नासाठी नकार असल्याने घरच्यांच्या विरोधात जाऊन तिने हे लग्न केलं. 

धक्कादायक बाब म्हणजे सुरभीने MBA केलं आहे. तर तिचा नवरा फक्त सहावी पास आहे. इंग्लिश स्पीकिंगचा कोर्स करताना सुरभीची साहिद अलीसोबत ओळख झाली. पुढे दोघांमध्ये मैत्री झाली आणि मैत्रीचं रुपांतर प्रेमात झालं. यानंतर त्यांनी लग्न करण्याचा निर्णय घेतला. जानेवारी 2016 मध्ये सुरभी आणि साहिद अलीने गाझियाबादला जाऊन आर्य समाजात लग्न केले. ती पत्नी आणि मुलीसह राहत होती. 

पोलीस चौकशीत शाहिदने सांगितले की, तो शनिवारी रात्री एका कार्यक्रमातून पत्नी आणि मुलीसोबत परतला होता. त्यानंतर ते तिघेही खोलीत झोपले. रात्री उशिरा सुरभी दुसऱ्या खोलीत गेली. तिथे तिने गळफास घेतला. त्याने सकाळी सुरभीला गळफास घेतलेल्या अवस्थेत पाहिले. त्यानंतर त्याने पोलिसांना माहिती दिली. पोलीस या संपूर्ण प्रकरणाचा तपास करत आहेत. सुरभीच्या आत्महत्येने कुटुंबीयांना मोठा धक्का बसला आहे. एका हिंदी वेबसाईटने याबाबतचे वृत्त दिले आहे.