धक्कादायक! पतीची हत्या केली, रात्रभर मृतदेहाजवळ राहिली, सकाळी उठून ब्युटी पार्लर उघडल, असा झाला खुलासा

उत्तर प्रदेशातील रायबरेली येथून एक धक्कादायक घटना समोर आली आहे. येथे एका पत्नीने पतीची हत्या करून रात्रभर मृतदेहाजवळ झोपल्याची घटना समोर आली आहे. पोलिसांनी आरोपी महिलेला अटक केली आहे. पत्नीने पतीला फोल्डिंग बारने मारहाण केल्याचा आरोप आहे. सकाळी उठल्यानंतर मुलं वडिलांना उठवायला गेली तेव्हा पत्नीने नकार देत वडिलांना उठवू नका असे सांगितले. त्यानंतर महिला तिच्या ब्युटी पार्लरमध्ये कामाला गेल्याचे समोर आले आहे.

महिला दिवसभर ब्युटी पार्लरमध्ये काम करत होती. संध्याकाळी परत आल्यावर महिलेने मुलांसाठी जेवण बनवले. मुलांना जेवण दिले आणि नंतर झोपवले आणि महिला स्वतः जागी राहिली. मध्यरात्री मुलं झोपली आणि परिसरात शांतता पसरली तेव्हा महिलेने एकट्याने पतीचा मृतदेह ओढून गेटवर फेकून दिला आणि झोपी गेली. सकाळी महिलेने स्वतःच असा गोंधळ घातला.पती दारू पिऊन आला आणि खाली पडला यात त्याचा मृत्यू झाल्याचे सांगितले.

पाच जिल्ह्यांत धुमाकूळ घालणाऱ्या टोळींचा पर्दाफाश; ६ लाखांचा मुद्देमाल जप्त

सुरुवातीला या व्यक्तीचा मृत्यू अतिमद्यपानामुळे झाल्याचे पोलिसांनीही मान्य केले होते, मात्र नंतर तपास केला असता हत्येचे कारण दारू नसून गळा आवळून झाल्याचे निष्पन्न झाले, तेव्हा पोलिसही चक्रावले. पोलिसांनी त्यांचा तपास सुरू केला आणि संशयाच्या भोवऱ्यात पत्नीची चौकशी केली. हे संपूर्ण प्रकरण बछरावन पोलीस ठाण्याच्या हद्दीतील सहगो पश्चिम गावातील आहे. येथे राहणाऱ्या अतुलला दारूचे व्यसन होते. पत्नी अन्नू ब्युटी पार्लर चालवायची आणि मुलांचा सांभाळ करायची.

पती स्वत: काहीच कमावत नव्हता आणि दारूवर पैसे खर्च करून महिलेने मारहाण करायचा. या त्रासाला कंटाळून महिने पतीची हत्या करण्याचा निर्णय घेतला आणि संधी शोधू लागली. 15 डिसेंबर रोजी पती दारू पिऊन रात्री उशिरा आला आणि अन्नूला मारहाण करू लागला. संधी साधून महिलेने त्यांच्या डोक्यावर फोल्डिंग स्लॅबने वार केले. तो बेशुद्ध पडल्यावर त्यांनी त्याचा गळा दाबून खून केला.