'नुपूर शर्माचा शिरच्छेद करणाऱ्याला आपलं घर देईन,' म्हणणाऱ्या अजमेर दर्ग्याच्या खादिमला अटक

अजमेर दर्ग्याचा खादिम सलमान चिश्ती याला अटक करण्यात आली आहे. त्याने भारतीय जनता पक्षाच्या (भाजप) माजी प्रवक्त्या नुपूर शर्मा यांच्याविरोधात प्रक्षोभक वक्तव्य केले होते. यासंदर्भातील व्हिडिओ व्हायरल झाल्यानंतर त्याचा सर्वच स्थरांतून निषेध केला जात होती. सलमान चिश्तीला काल रात्री अटक केल्याचे अतिरिक्त पोलीस अधीक्षक, विकास सांगवान यांनी म्हटले आहे.

सलमान चिश्ती हा दर्गाह पोलीस ठाण्याचा एक हिस्ट्रीशीटरही आहे. तो एका व्हिडिओमध्ये नुपूर शर्मा यांचा शिरच्छेद करणाऱ्यांना आपले घर देईन, असे म्हणताना दिसत आहे.

Rajasthan | Ajmer Police arrested Salman Chishti, Khadim of Ajmer Dargah last night for allegedly giving a provocative statement against suspended BJP leader Nupur Sharma: Additional Superintendent of Police, Vikas Sangwan pic.twitter.com/6U3WCjVar7

— ANI MP/CG/Rajasthan (@ANI_MP_CG_RJ) July 6, 2022

खादिम सलमान चिश्तीचा व्हिडिओ व्हायरल होत आहे. हा व्हिडिओ, उदयपूरमधील टेलर कन्हैयालालचे मारेकरी रियाझ मोहम्मद आणि गौस मोहम्मद यांनी त्याच्या हत्येपूर्वी तयार केलेल्या व्हिडिओ प्रमाणेच आहे. सुमारे दोन मिनिटे पन्नास सेकंदांच्या या व्हिडिओमध्ये सलमान चिश्ती, नुपूर शर्मा यांना उघडपणे जीवे मारण्याची धमकी देताना दिसत आहे.

या व्हिडीओमध्ये सलमान चिश्ती म्हणतो, 'पूर्वीसारखा काळ राहिलेला नाही अन्यथा बोललो नसतो. मला जन्म देणाऱ्या आईची शपथ, मी तिला सर्वांसमोर गोळी घातली असती. मला माझ्या मुलांची शपथ, मी तिला गोळी घातली असती. मी आजही छाती ठोकून सांगतो, जो कोणी नुपूर शर्माचा शिरच्छेद करून आणेल, त्याला मी माझे घर देऊन टाकीन, असा शब्द देतो सलमान.'